Taekvondo. Jahon chempionatining ikkinchi kunida olingan suratlarni tomosha qiling FOTOGALEREYA (76 ta surat)

Bugun kun davomida 5 nafar sportchimiz janglarda ishtirok etdi. 

Kun davomida -37 kg vaznli taekvondochimiz Abror O'lmasov 1 ta g'alaba va 1 ta mag'lubiyat qayd etdi. 

-41 kg vazn toifasida yurtimiz sharafini himoya qilgan Laylo Zayniddinova ikkita raqibini mag'lubiyatga uchratdi va chorak finalga etib bordi. Yarim final ostonasida kechgan jangda esa afsuski eronlik kuchli raqibasiga yutqazdi. 

-47 kg vaznli qizimiz Sitora Muhammad G'ulom Rasul  ham chempionatda 1 ta g'alaba va 1 ta mag'lubiyat qayd etdi. 

-53 kg vaznli taekvondochimiz Samandar Hamdamov esa dastlabki jangidayoq mag'lubiyat alamini totib ko'rdi. 

-33 kg vazn toifasida bahslarda qatnashgan Muhammadamin Aliev esa 3 ta g'alabaga erishdi. Final ostonasida kechgan bahsda esa afsuski ukrainalik raqibiga yutqazib qo'ydi va bronza medali bilan kifoyalandi.

Etiboringizga musobaqaning ikkinchi kunida olingan suratlarni taqdim etamiz. 

Suratlar muallifi: Jahongir Fayzullaev