Taekvondo. Jasurbek Jaysunov "Usi Katta dubulg'a" turniri vice-chempioniga aylandi!

Kun davomida erkaklar -58 kg, -80 kg vazn toifalarida, ayollar esa -57 hamda +67 kg vazn toifalarida bahs olib bordi.

Bugungi kun doirasida -80 kg vazn toifasida ikki nafar hamyurtimiz - Jasurbek Jaysunov hamda SHuhrat Salaev dayanga ko'tarildi.

Ahamiyatlisi, Jasurbek Jaysunov turnirda finalga qadar etib borib, vice-chempionga aylandi. Hamyurtimiz chorak finalda Xalqaro neytral sportchi Maksim Xromsovni 2:1, yarim finalda esa eronlik Mirhashem Hosseynini 2:0 hisobida dog'da qoldirdi. Hal qiluvchi bahsda esa Jasurbek boshqa bir eronlik sportchi - Mehran Barhordariga 1:2 hisobida imkoniyatni boy berib qo'ydi.

Yana bir vakilimiz SHuhrat Salaev esa dastlab, nimchorak final bosqichida xitoylik Yang CHuyni 2:1 hisobida engdi. Yarim final yo'lida esa hamyurtimiz Eron vakili Amir Muhammad Baxshiga mag'lub bo'ldi.

Bugungi natija orqali Jasurbek Jaysunov 600, Salaev esa 151 Katta dubulg'a ochkosini qo'lga kiritdi.

SHunday qilib, terma jamoamiz "Usi Katta dubulg'a" turnirini kumush medal bilan yakunladi.