26 may 17:58
Yangiliklar

Taekvondo

Taekvondo WTF. Nikita Rafalovich Osiyo chempioni

Vetnamning Xoshimin shahrida taekvondo WTF bo'yicha Osiyo chempionati boshlanganligi haqida xabar bergandik.

Biroz avval birinchi kun dasturidan o'rin olgan musobaqalar yakuniga etdi.

-74kg vazn toifasida yurtimiz sharafini himoya qilgan Nikita Rafalovich barcha raqiblarini mag'lubiyatga uchratib, oltin medal sohibiga aylandi.

Erkaklar o'rtasida -58kg vazn toifasida Niyoz Po'latov, qizlar o'rtasida esa -46kg vaznli Madina Mannopova bronza medaliga sazovor bo'lishdi.

Ertangi bahslarda yurtimiz sharafini quyidagi sportchilar himoya qilishadi:

Erkaklar:

-63kg: Sardor Toirov
-80kg: Maksim Rafalovich
-87kg: Jasur Boyqo'ziev

Ayollar:

-53kg: Dinoraxon Mamadibragimova
-67kg: Nigora Tursunqulova