Taekvondochilarimiz uchun ADAMS tizimida ishlash bo'yicha seminar o'tkazildi

Kuni kecha MOQda Xalqaro antidoping agentligi tomonidan yo'lga qo'yilgan ADAMS tizimida ishlashni yanada puxta yo'lga qo'yish bo'yicha o'tkazilgan yig'ilishda MOQ raisi tomonidan sportchilarimiz uchun bu borada alohida seminarlar tashkil qilish bo'yicha topshiriq berilgan edi. Kecha ushbu topshiriqqa asosan O'zbekiston taekvondo WT associaciyasida sportchilarimiz uchun ana shunday tadbir tashkil qilindi.

Seminarni Milliy antidoping agentligining mazkur yo'nalish bo'yicha malakali mutaxassisi Nigora Azamatova olib bordi. Unda sportchilarimizdan Tokio-2020 Olimpiada licenziati N.Rafalovich, shuningdek, licenzion musobaqaga tayyorlanayotgan D.SHokin, N.Tursunqulova, S.Osipova kabi sportchilarimiz, MOQ hamda associaciya mutasaddilari ishtirok etishdi. Tadbirda Azamatova ushbu tizimning ishlash mexanizmi, o'ziga xos jihatlari, talablari haqida batafsil gapirib o'tdi.

Takidlash joiz, yaqin vaqt ichida bunday seminarlar Olimpiya o'yinlariga tayyorlanayotgan barcha jamoalarimizda olib boriladi.