Tahlil. Evropa Ochiq chempionati dzyudochilarimiz uchun qanday keldi?

Sayyoramizning 5 qitasi 42 davlatidan 600 nafarga yaqin dzyudochilar jami 14 ta vazn toifasida musobaqa medallari hamda muhim reyting ochkolari uchun bahs olib borishdi. Ular qatorida O'zbekiston terma jamoasining 12 nafar azosi ham o'z imkoniyatini sinovdan o'tkazdi. 

Takidlash joiz, O'zbekiston dzyudo federaciyasi rahbariyati murabbiylar shtabi bilan maslahatlashgan holda Xalqaro dzyudo federaciyasi (IJF) taqvimidan o'rin olgan turnirlarga turli tarkibni jo'natishni maqsad qilgan. SHu kungacha o'tkazilgan Portugaliya Gran-prisi hamda Franciya "Katta Dubulg'a" turnirlarida terma jamoamizning birinchi va ikkinchi raqamli dzyudochilari ishtirok etdi. Pragadagi Evropa Ochiq chempionatiga esa tamomila boshqa tarkib jo'natildi. To'laligicha yosh dzyudochilardan tarkib topgan jamoamiz umumiy olganda yaxshi natija ko'rsatdi. 

Musobaqaning birinchi kuni -66 kg vazn toifasida tatamiga chiqqan Rahimjon Subhonov bronza medalini qo'lga kiritdi. Ikkinchi kungi bellashuvlarda esa +100 kg vazndagi dzyudochimiz O'tkirbek To'raboev Evropa Ochiq chempionati g'olibiga aylandi. To'raboevlar sulolasining kenja vakili terma jamoamizga ushbu turnirdagi yagona oltin medalni taqdim etdi. Subhonov ham, To'raboev ham bu kabi nufuzli musobaqada ilk bor ishtirok etishgani etiborga molik jihat. 

Yakunda bitta oltin va bronza bronza medalini qo'lga kiritgan O'zbekiston dunyoning 42 davlati orasida 7-o'rinni egalladi. Bizdan yuqorida joylashgan Ispaniya, Kanada va Portugaliya terma jamoalari hisobida ham 1 tadan oltin medal bo'ldi. Lekin bu uch mamlakat dzyudochilari kumush va bronza medallarga bizga nisbatan ko'proq ega chiqishdi. 

Germaniya terma jamoasi 4 ta oltin, 1 ta kumush, 5 ta bronza medali bilan birinchi bo'ldi. Ikkita oltin, 3 ta kumush va 1 bronza medaliga ega Franciya ikkinchi o'rinni band etgan bo'lsa, kuchli uchlikka 2 ta oltin medal bilan Bolgariya terma jamoasi yakun yasab berdi.

Savol tug'iladi: O'zbekiston avval ham Evropa Ochiq chempionatida ishtirok etganmi? Albatta, bu musobaqada hamyurtlarimiz ancha ijobiy natijalar ko'rsatishgan. Birgina jahon chempionatining kumush medali sovrindori SHarofiddin Lutfullaevning o'zi ikki bor - 2015 va 2018 yillarda musobaqa chempioniga aylangan. 2018 yil Minsk shahrida o'tgan Evropa Ochiq chempionatida Hikmatulloh To'raev ham chempionlik shohsupasiga ko'tarilgan. 

2019 yil Rossiyaning Orenburg shahri mezbonlik qilgan ushbu musobaqada +100 kg vazndagi vakilimiz Alisher Yusupov ham oltin medalga ega chiqqan. O'z vaqtida Abdullo Tangriev, Diyorbek O'razboev kumush, Rishod Sobirov, Suhrob Tursunov, Artem SHturbabin, SHerali Jo'raev va G'iyosjon Boboev bronza medaliga sazovor bo'lgan.