Tailandda “World Abilitysport-2024” o'yinlari boshlandi

Butunjahon yoshlar o'yinlari maqomida o'tkazilayotgan mazkur musobaqalarda imkoniyati cheklangan yoshlar para sportning to'rtta turida g'oliblik uchun kurash olib boradi. "Los-Anjeles-2028" Paralimpiya o'yinlariga tayyorgarlikning muhim bosqichi bo'lgan bu galgi “World Abilitysport-2024” o'yinlarining ilk kunida bochcha sport turi bo'yicha bahslar tashkil etiladi.  

Musobaqalarda dunyoning ko'plab davlat sport delegaciyalari ishtirok etish talabnomalarini taqdim etgan bo'lsa, O'zbekistonning  20 nafardan ziyod para sportchilari para engil atletika va para pauerliftingda sovrinli o'rinlarga davogarlik qiladi.  

Tashkiliy qo'mita malumotiga ko'ra, para engil atletika musobaqalarida 138 nafar matonat sohiblari bahslarda ishtirok etsa, pauerlifting bellashuvlarida 40 ta davlat vakillari ishtirokini tasdiqlagan. O'yinlar 6 dekabrga qadar davom etadi.