Tarixda ilk bor o'tkaziladigan "Steroidli Olimpiada o'yinlari" - bloger nigohida

SHu haqida 5 yil oldin post yozgandim. Bu endi haqiqatga aylanyapti. SHu yilning may oyida g'alati sport musobaqasi bo'lib o'tadi.

Tak vot, may oyida PayPal hammuassisi Piter Til tomonidan moliyalashtirilgan Enhanced Games (Kengaytirilgan imkoniyatlar o'yinlari) bo'lib o'tadi. Ushbu musobaqa Olimpiada o'yinlariga muqobil sifatida taqdim etilmoqda va sportchilarga steroidlar, doping, peptidlar hamda gen terapiyasini o'z ichiga olgan biologik imkoniyatlarni oshiruvchi preparatlardan ochiqchasiga foydalanishga ruxsat beradi.

O'yinlarda farmakologiyadan tashqari, maxsus suzish kiyimlari, o'zgacha poyabzallar va yuqori texnologiyali protezli sportchilarning ishtiroki kabi yangi texnologiyalarga ham ruxsat etiladi.

Faqat sayyoramizning eng tezkor, eng kuchli va optimallashtirilgan insonlarigina inson tanasi imkoniyatlari chegarasini kengaytiradi.

Sportchilar qabul qiladigan barcha moddalarni oldindan va shaffof tarzda malum qilishlari shart. Har bir ishtirokchi musobaqa oldidan qatiy tibbiy ko'rikdan o'tishi kerak. Butun jarayonni 2 ta mustaqil tibbiy komissiya nazorat qiladi.

Tarixdagi ilk Enhanced Games musobaqasi 2026 yilning 21 mayidan 24 mayigacha Las-Vegasdagi Resorts World majmuasining maxsus qurilgan arenasida bo'lib o'tadi. 

Debyut bellashuvlarda suzish, engil va og'ir atletika bo'yicha 50 nafar sportchi qatnashadi. Tashkilotchilar jahon rekordini o'rnatgan sportchiga 1 million dollar mukofot taklif qilmoqda, 24 may kuni yopilish marosimida esa The Killers rok guruhi chiqish qiladi.

Enhanced Games zamirida ayni paytda tibbiyotni tubdan o'zgartirayotgan va dunyoning barcha etakchi sportchilari faol qo'llayotgan ilmiy yutuqlar yotadi: bular peptidlar, gormonal optimallashtirish, genlar ekspressiyasini boshqarish, reabilitaciya vaqtini bir necha barobar qisqartiradigan tiklanish protokollaridir. 

Buni xozirgi "qonuniy" musobaqalardan farqi shundaki, Enhanced Games’da hech kim hech narsani yashirmaydi, aksincha, buni ochiq namoyish etadi. Tak viju.

Nurbek Alimov - bloger.