Tashkent Grand Slam 2026. SHukurjonning oltini va Dostonning bronzasi evaziga umumjamoa hisobida nechanchi o'rindamiz? (+FOTO)

Ayollar o'rtasidagi bahslarda yurtimiz sharafini himoya qilgan dzyudochimiz SHukurjon Aminova nomdor raqibalarini mag'lubiyatga uchratib, musobaqa chempioniga aylandi. -57 kg vazn toifasidagi vakilamiz 1/2 finalda gruziyalik amaldagi jahon chempionini, finalda esa yaponiyalik kuchli raqibasini taslim eta oldi. Ushbu g'alaba unga jahon reytingi uchun qimmatli 1000 ochkoni ham taqdim etdi. Aminova faoliyatida ilk bor "Katta Dubulg'a" turnirida shohsupaga ko'tarildi. 

O'zbekiston sport delegaciyasiga ikkinchi medalni Doston Ro'ziev keltirdi. -60 kg vazndagi dzyudochimiz bronza medali uchun kechgan bellashuvda gruziyalik Luka Gadeliyani bir daqiqada ippon bahosi evaziga engishga muvaffaq bo'ldi. 

SHu tariqa, O'zbekiston terma jamoasi musobaqaning birinchi kungi bahslari natijalariga ko'ra, 1 ta oltin va 1 ta bronza medali bilan 39 davlat orasida faxrli 3-o'rinni egallab turibdi. Yaponiya terma jamoasi 2 ta oltin, 3 ta kumush, 2 ta bronza medali bilan peshqadamlik qilayotgan bo'lsa, 1 ta oltin va 1 ta kumush medaliga ega Ozarbayjon ikkinchi pog'onani band etgan.