TAVSIYA ETAMIZ! UFC (MMA) va WWE (kurash) birlashuvi bizga nimalarni vada qilmoqda? Konor WWE’ga o'tadimi?

Jang sanati bilan bog'liq bo'lgan yirik tashkilotlar UFC (MMA) va WWE (kurash) bir kompaniyaga birlashdi. Yangi tashkilot “TKO Group” deb nomalanadi va uning qiymati 21 milliard dollardan oshadi. Kelishuv kurash tashkiloti uchun misli ko'rilmagan voqelik bo'ldi, chunki kurashni reklama qilish go'yoki taqiqlangan “modda”ga o'xshardi. Boisi hech bir sportchi ushbu sport turini reklama qilganiga deyarli guvoh bo'lmaganmiz. WWE’ni sotib olish uchun Disney, Fox, Comcast hamda Amazon kabi gigant kopmaniyalar harakat qilayotgandi, biroq yakunda UFC “gazini bosdi”. 

Ikkala tashkilotning birlashuvi katta daromadni vada qilayotgani bor gap. UFC va WWE promoushenlari 2019 yildan buyon yillik daromadlari smetasini oshirib bormoqda. Yiliga taxminan 10 foizdan. Ikki ligada ham muxlislar armiyasi juda katta. Tashkilotlarning takidlashicha, ushbu hamkorlik sinergiya, yani mashhurlikni yanada oshirishga bo'lgan harakatning dastlabki qadamlari demakdir. WWE ijrochi raisi Vins MakMahonni bunga shunday izoh berdi: “Barcha WrestleMania (har yili mart va aprel oyining o'rtalarida WWE kompaniyasi tomonidan o'tkaziladigan professional kurash bo'yicha katta tadbir) birlashishi ham bizning UFC bilan amalga oshirajak ishlarimiz ko'lamiga to'g'ri kelmaydi. 

Ligalarda bir-birini to'ldirib turadigan omillar etarlicha topiladi. Hozirda ayol sportchilar o'rtasidagi janglar ham anchagina ommalashib bormoqda. Kurashdagi bellashuvda deyarli bir xil scenariy takrorlansa, MMA’da tamoman boshqa ko'rinish. Har jangda har xil holatlarni ko'rish mumkin. Sky Sports malumotlariga ko'ra, ijtimoiy tarmoqlarda eng ko'p obunachisi mavjud bo'lgan 15 nafar ayol sportchilarning besh nafari WWE vakillari hisoblanadi. Liganing eng mashhur yulduzlaridan biri Ronda Rouzi bo'lib, u ko'plab yosh ayol jangchilarning kumiri. Kurash ligasi janglarni ommalashtirish bo'yicha yaxshigina tajribaga ega. Misol tariqasida Rondaning o'zini keltirish mumkin, chunki u WWE’ga o'tishdan avval UFC’da faoliyat yuritgan. Yaqin kelajakda bu kabi “transferlar” ko'p bora sodir bo'lishiga guvoh bo'lishimiz ehtimoldan holi emas. 

Mana shu kabi “transferlar”ning yana biri Konor Makgregorda kuzatilishi mumkin. Sababi, irlandiyalik jangchi ikki tashkilot birlashgach ijtimoiy tarmoqqa MMA hamda WWE chempionlik kamarlarini qo'lida ushlab turgan rasmini joylashtirdi va quyidagicha izoh qoldirdi: “Bu sodir bo'lishi muqarrar. Ochilish imkoniyatlarini va yosh UFC istiqbolini his qildim, Bo Nikal (amerikalik taniqli WWE yulduzi)”. Nikaldan bu haqida so'rashganida u shunday javob berdi: “Men ham ularni (kamarlar) xohlayman. Oson pul topish”. 

Ayollar o'rtasida engil vazn toifasidagi sobiq UFC chempioni Amanda Nunes allaqachon kurashga qiziqib qolgan va agar unga yaxshi shartnoma taklif qilinsa, o'z omadini WWE’da ham sinab ko'rish istagi borligini yashirib o'tirmadi. “Agar menga yaxshi shartnoma bilan aloqaga chiqishsa, nega rad etishim kerak? MMA’da o'zim xohlagan hamma narsaga erishdim. Men ikki karra chempionman, menga yana bitta kamar kerak”, deydi braziliyalik jangchi. Ehtimol, yaqinda MMA’dan ketganini elon qilgan Nunes WWE’da ko'rinish berib qolar... 

UFC prezidenti Dana Uaytni vaqti-vaqti bilan tanqid qiladigan videobloger Jeyk Pol ham ushbu hodisaga ijobiy munosabatdaligini yashirib o'tirmadi. Uning fikricha, UFC va WWE birlashishi ancha mantiqiy hamda sportchilarning daromadini oshirish uchun ajoyib usul sanaladi. 

Dana o'zaro janglarni kutmaslik kerakligini aytib o'tdi. Ammo jangchilarning ligalar o'rtasida bir yoki ikkita jangga almashish holatlari sodir bo'lishi mumkin. Konor kurashmoqchi, uni kim to'xtatadi?! Rossiyalik aralash yakkakurash ustasi Vyacheslav Vasilevskiy takidlaganidek, UFC faxriylari uchun o'z karerasini qayta tiklash uchun ajoyib variant paydo bo'ldi. Ikki tashkilot o'rtasidagi bitim yaqinda elon qilindi, bizni oldinda nimalar kutib turganini vaqt ko'rsatadi...