Tayson Fyuri boksga qaytish qarorini tushuntirdi

Britaniyalik pul uchun emas, balki sportga bo'lgan muhabbati va jangovar hayot tarzi tufayli qaytayotganini aytdi. Aleksandr Usikka ikki marta mag'lub bo'lgan 37 yoshli bokschi avvalroq faoliyatini yakunlaganini elon qilgandi, ammo u yana bir bor fikrini o'zgartirdi. 

"Men mutlaqo hamma narsani yutdim: Angliyadagi mintaqaviy kamarlardan tortib super chempionlik unvonlarigacha, ikki marta yilning eng yaxshi bokschisi bo'ldim. Men uchun jangovar hunardan boshqa hech narsa yo'q. Men bu ishni yaxshi ko'raman. Bunda moliyaviy foyda uchun hech narsa yo'q. O'n yil oldin nafaqaga chiqishim mumkin edi. Yaxshigina boylik orttirdim. Gap pulda emas, garchi men har doim yaxshi shartnomani xohlasam ham, albatta. Bu asosan jang va sportga bo'lgan muhabbatdir. Yoshim 37 da, bu yil 38 ga to'laman, kim biladi deysiz, yoshim kattaroq, lekin jang qilishni yaxshi ko'raman. Mening boshqa qiziqishim yo'q, faqat mushtlashish. Men jang qilish uchun tug'ilganman va tarbiyalanganman. Mening taqdirim janglarda.

Oxir-oqibat, men aqldan ozgan odamdek do'pposlayman va ehtimol, ularning hammasi kabi nogironlar aravachasiga o'tirib qolaman. O'lguday kaltaklangan, bilmadim, seshanbami, chorshanbami, dekabrmi, lekin men tanlagan o'yin, biz tanlagan hayot shu. Bu men tanlagan hayot! Biz to'xtamaymiz", - deya Tayson Fyurining so'zlarini keltiradi talkSPORT.