24 avg 10:09
Yangiliklar

Boks/MMA

Tayson Fyuri qancha gonorar uchun Usikka qarshi ringga chiqishini aytdi

Superog'ir vaznda WBC yo'nalishi chempioni Tayson Fyuri (32-0-1, 23 KO) birlashtiruvchi chempionlik jangi uchun katta miqdorda gonorar talab qilmoqda.

Britaniyalik bokschi WBA Super, IBF, IBO va WBO chempionlik kamarlari sohibi, ukrainalik Aleksandr Usik (20-0, 13 KO)ka qarshi 500 mln. dollar evaziga jang qilmoqchi ekanini ochiqladi.

"Dunyoning eng katta jangi eng katta gonorar uchun o'tkazilishi shart. Boshqacha bo'lishi mumkin emas. Men borimni nomalum xorijlik bilan jangga qo'yadigan bo'lsam, u holda bolakaylar yarim milliard dollar tayyorlab qo'yishsin. Agar raqibim Joshua bo'lanida edi, men tekinga jang qilgan bo'lardim. Afsuski, raqibim u emas", – deya ijtimoiy tarmoqdagi sahifasida xabar qoldirgan Fyuri.

Avvalroq, Britaniyaning The Sun nashri "Lo'lilar qiroli" Usik bilan jangdan € 150 mln, Daily Mail nashri esa € 55-60 mln ishlab olishi mumkinligini yozgan edi.