Tayson Fyuri ringga qaytganini rasman elon qildi

"2026 – aynan shu yil. Qirolning qaytishi. Anchadan beri yo'q edim, lekin yana shu erdaman, 37 yoshdaman va hali ham zarba berishni bilaman. Erkaklarning yuziga urib, buning uchun pul olishdan yaxshiroq narsa yo'q", - deb yozdi "Lo'lilar qiroli" ijtimoiy tarmoqda yangi mashg'ulot videosini elon qilib.

Oldin ham britaniyalik bir necha bor faoliyatini yakunlagan va so'zidan qaytgan. U buni birinchi marta 2013 yilda Devid Xey bilan ikkita jangi barbod bo'lganida qilgan. Oxirgi marta - 2024 yil dekabr oyida Aleksandr Usikdan ikkinchi mag'lubiyatdan keyin. Ushbu bayonotlar orasida Fyuri yana uch marta istefoga chiqishini elon qildi, jumladan, 2017 yilda Britaniya antidoping agentligi bilan uzoq davom etgan sud jarayonida u shaxsiy muammolari va giyohvandlikka qarshi kurashganini tan oldi.

Tayson Fyurining ehtimoliy raqibi Entoni Joshua hisoblanayotgandi. Ammo u dekabr oyida Jeyk Polni nokautga uchratgan jangidan to'qqiz kun o'tib ikki do'sti va murabbiylarining hayotiga zomin bo'lgan avtohalokatga uchradi. Avtohalokatdan so'ng Fyuri intervyular va ijtimoiy tarmoqlarda bir necha bor achchiq gaplar aytgan vatandoshiga hamdardlik bildirdi.