30 sen 15:26
Yangiliklar

Boks/MMA

Tayson Fyuri va Aleksandr Usik mutlaq chempionlik jangi uchun shartnoma imzoladi

Super og'ir vazn toifasida WBC chempioni Tayson Fyuri WBA, IBF, WBO va IBO kamari sohibi Aleksandr Usikka qarshi mutlaq jahon chempioni unvoni uchun jang qiladi.

Bu haqda ESPN sport sharhlovchisi Mayk Koppinger malum qildi.

"Tayson Fyuri va Aleksandr Usik 23 dekabr yoki yanvarda Saudiya Arabistonida bo'lib o'tadigan mutlaq jahon chempionlik jangi bo'yicha shartnoma imzoladi", — deb yozadi muxbir ijtimoiy tarmoqda.

Aleksandr Usik so'nggi jangida Deniel Dyuboisni nokautga uchratgan edi, Tayson Fyuri esa oxirgi marta o'tgan yilning dekabr oyida Derek CHisorani o'ninchi raundda nokautga uchratgan.

SHu yilning bahorida ukrainalik va britaniyalik mutlaq chempionlik bo'yicha muzokaralar olib borishgan edi, ammo keyinchalik tomonlar kelishuvga erisha olishmagan.

Eslatib o'tamiz, 28 oktyabr kuni Ar-Riyodda Fyuri va sobiq UFC chempioni Frensis Ngannu o'rtasidagi o'n raundlik boks jangi bo'lib o'tadi.