Tennis. Nadal va Lopes – Olimpiada chempionlari!

Hal qiluvchi final uchrashuvida ispaniyalik tennischilar – RafaelNadal va Mark Lopes g'alaba qozonib, Olimpiada chempioni bo'lishdi. Ular oltin medal uchun kechgan bahsda ruminiyalik tennischilar – Florin Merja va Xoriya Tekeuni 6:2, 3:6, 6:4 hisobida mag'lub etishdi.

Bu Rafael Nadal uchun Olimpiadaning ikkinchi oltin medali bo'ldi. 2008 yili Pekinda o'tkazilgan Olimpiadada ham Rafael olimpiya o'yinlari chempioni bo'lgan edi. U hali oltin dubl qayd etishi ham mumkin. Rafa Rio Olimpiadasining yakkalik bahslari yarim finalida argentinalik Xuan Martin del Potroga qarshi kortga chiqadi. Potro ilk davrada dunyoning birinchi raketkasi serbiya Novak Jokovichni musobaqadan chiqarib yuborgandi.

TENNIS. JUFTLIK. FINAL

Rafael Nadal/Mark Lopes (Ispaniya, 6) – Florin Merja/ Xoriya Tekeu (Ruminiya, 5) – 6:2, 3:6, 6:4