Terma jamoamiz finalda Rossiyaga qarshi tatamiga chiqadi

Ichki ishlar hamda policiya xodimlari o'rtasida o'tkazib kelinayotgan ushbu musobaqa o'z tarixida 17-marotaba tashkil etilyapti. "Megasport" sport majmuasi mezbonlik qilayotgan ushbu xalqaro turnirda Ichki ishlar vazirligi tizimida faoliyati yuritib kelayotgan O'zbekiston faxriylar terma jamoasi yurtimiz sharafini himoya qilmoqda. 

Biroz avval Jamshid Fayziev murabbiyligidagi dzyudochilarimiz jamoaviy bahslarda finalga yo'l olishdi. Oltin medal uchun kechadigan bellashuvdagi raqibimiz Rossiya terma jamoasi bo'ladi. 

Terma jamoamiz tarkibi: Bahrom Inoyatov (-66 kg), Timur Xudaykulov, Umid Abdullaev (-73 kg), G'iyosjon Boboev (-81 kg), Rustam Saidov, Farrux Boboev (-90 kg), Faxriddin SHaripov (-100 kg), Dilshod CHoriev, Hamid Otajonov (+100 kg).