24 avg 08:45
Yangiliklar

Dzyudo

Terma jamoamiz jahon chempionatiga tayyorgarlikni Ozarbayjonda davom ettiradi + FOTO

Ilias Iliadis bosh murabbiyligidagi O'zbekiston milliy terma jamoasi o'quv-mashg'ulot yig'inini o'tkazish maqsadida Ozarbayjon poytaxti Boku shahriga etib bordi.

Yaqindagina V Islom birdamligi o'yinlaridan qaytgan dzyudochilarimiz qisqa tatildan so'ng yana mashg'ulotlarga qaytishdi. Ushbu yig'in 6-13 oktyabr kunlari Toshkent shahri mezbonligida o'tkaziladigan jahon chempionatiga tayyorgarlik bosqich vazifasini o'tab beradi.

Ozarbayjondagi o'quv-mashg'ulot yig'ini 3 sentyabrga qadar davom etadi. SHundan so'ng mashg'ulotlar Gruziya davlatiga ko'chadi. Jahon chempionati oldidan so'nggi yig'inning Samarqand shahrida bo'lib o'tishi rejalashtirilgan.