Terma jamoamiz Seul orqali dzyudo vataniga jo'nab ketdi

Terma jamoamiz delegaciyasi Seul orqali Osaka “Katta Dubulg'a” turniriga etib borishadi. Ayni shu soniyalarda dzyudochilarimiz Janubiy Koreya poytaxtida bo'lib turishibdi.

22-24 noyabr kunlari o'tkaziladigan Osaka turnirida dunyoning 5 ta qitasi, 94 davlatidan jami 534 (307 erkak, 227 ayol) nafar dzyudochi musobaqa medallari hamda Tokio-2020 Olimpiadasining muhim reyting ochkolari uchun tatamiga chiqishadi. 

Osaka tatamilarida yurtimiz sharafini 7 nafar dzyudochimiz himoya qiladi. Terma jamoa murabbiylari etakchi dzyudochilarimizning ayrimlariga dam berishni lozim topishgan. Osaka turniri g'oliblari o'z hisoblariga qimmatli 1000 reyting ochkosini yozib qo'yishadi. Kumush medal sohiblari 700, bronza medal egalari esa 500 reyting ochkosiga ega bo'lishadi. Beshinchi o'rin uchun 360, ettinchi o'ringa esa 260 reyting ochkosi beriladi.   

Terma jamoa tarkibi:

-60 kg: Kemran Nurullaev

-81 kg: Kamoliddin Rasulov

-90 kg: Davlat Bobonov

-100 kg: Muhammadkarim Xurramov

+100 kg: Alisher Yusupov

Qizlar:

-52 kg: Diyora Keldiyorova

-78 kg: Nodira Yo'ldosheva