07 iyu 12:05
Yangiliklar

Dzyudo

Terma jamoamizning uch mamlakatda o'tkazgan yig'ini yakunlandi FOTOREPORTAJ

Dzyudo bo'yicha O'zbekiston erkaklar va ayollar terma jamoasining Xorvatiyaning Pula shahrida o'tkazgan bir haftalik xalqaro qo'shma o'quv-mashg'ulot yig'ini yakunlandi.

Bugun terma jamoamiz delegaciyasi Istanbul orqali Toshkentga qaytib keladi. Avvaliga Ilias Iliadis bosh murabbiyligidagi erkaklar terma jamoamiz Turkiyaning Antaliya shahrida mashg'ulotlarini o'tkazdi. Nellya Kiyamova murabbiyligidagi ayollar terma jamoamiz esa Slovakiyadagi xalqaro mashg'ulotlarda ishtirok etdi. 1-6 iyul kunlari esa har ikki terma jamoamiz Xorvatiyaning Istriya yarim orolida joylashgan mo'jazgina Pula shaharchasida Tokio Olimpiadasiga tayyorgarlikni davom ettirdi.

Endi reja bo'yicha terma jamoamizga qisqa tatil beriladi va shundan so'ng delegaciyamiz Yaponiyaga jo'nab ketadi. Olimpiadaga tayyorgarlikning so'nggi bosqichi Kunchiqar yurtning Maydzuru shahrida o'tkaziladi.