Termiz shahri O'zbekiston Kubogiga mezbonlik qiladi

"Surxon Arena" sport saroyi mezbonlik qiluvchi ushbu musobaqada Qoraqalpog'iston Respublikasi, barcha viloyatlar hamda Toshkent shahridan dzyudochilar g'oliblik yo'lida tatamiga chiqadilar. Uch kun davom etadigan mamlakat kubogida ayni paytdagi o'z vazn toifalarining birinchi raqamli dzyudochilari ishtirok etmaydi. Ular hozirda Samarqand va Toshkent viloyatida o'tkazilayotgan o'quv-mashg'ulot yig'inlarida Gruziya hamda Xorvatiyadagi xalqaro turnirlarga tayyorgarlik ko'rishyapti. 

Bugun O'zbekiston Kubogida dzyudochilarni ro'yxatdan o'tkazish, beshta vazn toifasi uchun vazn o'lchash hamda qura tashlash marosimlari bo'lib o'tadi. Ertaga musobaqaning birinchi kuni erkaklar o'rtasida -60, -66, ayollarda esa -48, -52 va -57 kg vazn toifalarida g'olib hamda sovrindorlar nomi malum bo'ladi.