Texnika mo'jizasini ko'rganmizu, lekin bunaqasini... Sanjar Zokirovning jangi raqibi yo'qolib qolgani sabab bekor qilindi

Musobaqa doirasida o'zbekistonlik aralash yakkakurash ustasi Sanjar Zokirov yaponiyalik Xiroba Minoua bilan jang qilishi kerak edi. Ammo jang boshlanishiga bir soat qolganida ham raqib arenaga etib kelmagan va uni hatto topisha olmagan. Tashkilotchilar jangni bekor qilishga majbur bo'lgan. Sanjar Zokirov esa musobaqani arenadan muxlis sifatida tomosha qilishdan o'zga chora topa olmadi.

Hozircha Minouaning nima sababdan jangga kelmagani va unga niisbatan qanday jazo qo'llanilishi malum emas.

Eslatib o'tamiz, aslida mazkur jang 6 sentyabr kuni AQSHning Kolorado shtati Denver shahrida o'tkazilgan ONE 168 turnirida bo'lib o'tishi lozim edi. Ammo jang kechroq muddatga qoldirilgandi.

Malumot uchun, Sanjar Zokirov faoliyati davomida 10 ta jang o'tkazib, ularning barchasida raqiblaridan ustun kelgan. Yaponiyalik Minoua hisobida esa 14 g'alaba va 5 mag'lubiyat bor.