Teysheyra: "Poatan CHimaevni uch raundda nokautga uchratadi"

Xususan, braziliyalik sportchi aralash yakkakurashlar tarixidagi eng yaxshi engil vazn toifasidagi sportchi bilan jang qilayotgani aks etgan videoga izoh berdi.

"Xabib - sportimizning kumiri. Hamma u kabi bo'lishni istaydi, Anderson, Jon Jons, "Poatan" - ularning barchasi buyuk mabudlar. Uni PI zalida shogirdlari uchun mashg'ulot o'tkazayotganini ko'rganimda, men fursatdan foydalanib, undan bir oyoqda o'tish bilan taykdaun haqida so'radim. SHunda u qo'limdan ushlab, "bu yoqqa kel" dedi va buni qanday qilishni ko'rsatdi. Biz biroz hazillashdik va u menga bir nechta maslahat berdi. Albatta, hammasi katta hurmat bilan, chunki Xabib gapirganda to'xtab, quloq solamiz", - dedi Teysheyra Sherdog nashriga bergan intervyusida.

Teysheyra UFC bilan muzokaralar tafsilotlarini ochiqlamadi, biroq ular hali ham Oq uyda Jon Jons bilan jang qilish niyatida ekanliklarini malum qildi.

"Bu hamma ko'rishni istaydigan jang, ammo "Poatan" (Aleks Pereyra) raqib tanlamaydi, u hamma bilan jang qilaveradi. Agar bu vaqtinchalik kamar uchun Siril Gan bilan jang bo'lsa, bu uning uchinchi unvoni bo'ladi - hali hech kim bunday qilmagan. Ko'ramiz, UFC qanday qarorga kelarkin", - deya izoh berdi braziliyalik.

Xamzat CHimaevga qarshi kechadigan jangga kelsak, Teysheyra rossiyalik o'rta vazn toifasida g'alaba qozonish imkoniyatini ko'rmayapti.

"U hozirgina o'rta vazn toifasida chempion bo'ldi va hali titulni himoya ham qilgani yo'q. "Poatan" boshqa pog'onada. Hakamlik qilishim qiyin, lekin Pereyraning djebi ko'plab to'g'ridan-to'g'ri zarbalardan ko'ra qattiqroq - bu haqiqatan ham og'riqli. Uni qafas yaqinidagi parterga o'tkazish juda qiyin, agar shunday bo'lgan taqdirda ham, uning u erdagi himoyasi eng yuqori darajada. Aleks CHimaevni uchinchi raunddan kechiktirmay nokautga uchratadi", - deya xulosa qildi UFC sobiq chempioni.