Tezkor. UFC Bogdan Guskovga top-15 dan raqib berdi. Jang sanasi va manzili malum. Hamyurtimiz co main event'da jang qiladi!

Hamyurtimiz 27 aprel kuni Las-Vegasdagi (AQSH) UFC Apex arenasida tashkil etiladigan UFC Vegas 91 turnirida oktagonga ko'tariladi. 

Ahamiyatlisi, Bogdan Guskovga bu safar yarim og'ir vazn toifasida UFC reytingida o'n birinchi o'rinni egallab turgan amerikalik Rayan Spenn raqiblik qiladi. 

Jang turnirning co main event bellashuvi sifatida tashkil etiladi. Markaziy jang portugaliyalik Manel Kape hamda Braziliya vakili Mateus Nikolau o'rtasida kechadi.

Malumot uchun, 32 yoshli Rayan Spenn shu kungacha 30 ta jang o'tkazib, 21 ta g'alaba va 9 ta mag'lubiyat qayd etgan. U oxirgi jangini Guskovning chin manodagi qiyofadoshi Entoni Smitga qarshi o'tkazib, ochkolar hisobiga ko'ra mag'lub bo'lgan.

Bogdan Guskov esa 18 ta jangda 15 ta g'alaba va 3 ta mag'lubiyat qayd etgan. U o'zining so'nggi jangida Zak Paugani nokautga uchratgan edi.

Avvalroq, Guskov liga bilan yana to'rtta jangga shartnoma imzolaganini aytgan edi.