03 iyu 18:53
Yangiliklar

Dzyudo

Tilovov Tbilisida bronza medali uchun tatamiga chiqadi

Gruziya poytaxti Tbilisi shahrida "Katta Dubulg'a" turkumiga kiruvchi nufuzli turnirning birinchi kungi bahslari davom etmoqda.

Bugungi ilk kungi dasturdan uch nafar dzyudochimizning bahslarda ishtirok etishi belgilangan edi. Ulardan Muhriddin Tilovov kechki final dasturida bronza medali uchun kurashish imkoniyatini qo'lga kiritdi.

-66 kg vaznli dzyudochimiz ilk davrada Nurali Emomali (Tojikiston) va Naton Berns (Irlandiya)ni mag'lub etdi. CHorak finalda gruziyalik Vaja Margelashviliga imkoniyatni boy berdi. Bronza medali yo'lidagi o'tish bellashuvida ozarbayjonlik Ibrohim Alievdan ustun keldi. Endi Muhriddin bronza medali uchun bahsda yaponiyalik Ryoma Tanakaga qarshi tatamiga chiqadi.

Dilshodbek Baratov (-60 kg) va Bobur Vadjiev (-66 kg) esa raqiblariga yutqazib qo'yib, musobaqadagi ishtiroklarini yakunlashdi.