Tim Czyu va Baxram Murtazaliev tarozidan o'tib oldi

Oqshomning markaziy jangi birinchi o'rta vazn toifasida sobiq jahon chempioni Timofey Czyu hamda ushbu vaznda amaldagi IBF chempioni Baxram Murtazaliev o'rtasida o'tkaziladi. Murtazaliev ertangi jangda o'z kamarini himoya qiladi. 

Bokschilar jangdan oldin rasmiy tarozidan o'tish marosimida hozir bo'lishdi. Ikkala bokschi ham belgilangan vazn meyorini bajarishdi. CHempion Murtazalieva 69,3 kg, davogar Czyu esa 69,6 kg. tosh bosdi. 

Eslatib o'tamiz, kichik Czyu faoliyatidagi yagona mag'lubiyatini shu yil mart oyida WBC va WBO yo'nalishlari chempioni Sebastyan Fundoradan qabul qilib olgandi. Amerikalik bokschi hakamlarning ayri qarori bilan Timni mag'lubiyatga uchratgan edi. 

Murtazaliev esa o'z chempionlik kamarini ilk bor himoya qiladi. Rossiyalik bokschi shu yilning aprel oyida Jek Kulkayni 11-raundda texnik nokautga uchratib, IBF chempioniga aylangandi.