10 iyu 09:44
Yangiliklar

Boks/MMA

"Tojik burguti" Ramazon Temirov bilan bir oqshomda jang qiladi

Tojikistonlik engil vazn toifasida mag'lubiyat nimaligini bilmay kelayotgan UFC jangchisi Nurullo Aliev navbatdagi jangini 25 iyul kuni BAAning Abu-Dabi shahri mezbonlik qiladigan UFC Fight Night turnirida o'tkazadi.

Aliev ushbu oqshomda tajribali amerikalik sportchi Mayk Devisga qarshi oktagonga ko'tariladi. Mazkur qarama-qarshilik turnirning asosiy kardidan o'rin olgan.

25 yoshli Nurullo Aliev professional MMAda hozirga qadar 11 ta jang o'tkazib, barchasida g'alaba qozongan. UFC'da esa u Rafael Alves, Jo Solecki va SHem Rok ustidan qozongan g'alabalari orqali mag'lubiyatsiz seriyasini davom ettirmoqda.

Eslatib o'tamiz, mazkur oqshomda hamyurtimiz Ramazon Temirov Avstraliya vakili Stiv Erceg bilan bahs olib boradi.