Tokio-2020. Safina finalga chiqdi, Bekzodda bronzaga imkoniyat bor, SHapiev esa 5-o'rin

Kun davomida Olimpiadada ishtirok etgan o'zbekistonlik sportchilarning ishtiroklariga oid malumotlarni ushbu sahifada onlayn ravishda kuzatib borish mumkin bo'ldi.

O'zbekistonlik sportchilar bugun quyidagi natijalarni qayd etishdi:

Engil atletika: Svetlana Radzivil (finalga chiqa olmadi)

Engil atletika: Safina Sadullaeva (finalga chiqdi)

Engil atletika: Ekaterina Voronina (24 sportchi ichida 12-o'rin)

Erkin kurash: G'ulomjon Abdullaev (bronza uchun o'tish bahsida mag'lubiyat)

Erkin kurash: Javrail SHapiev (bronza uchun bahsda mag'lubiyat, 5-o'rin)

Erkin kurash: Bekzod Abdurahmonov (chorak finalda mag'lubiyat, ertaga bronzaga imkoniyat bor)

Zamonaviy beshkurash: Alise Faxrutdinova (ertaga davom ettiradi)

Zamonaviy beshkurash: Aleksandr Savkin (ertaga davom ettiradi)

SHu tariqa, sportchilarimizning bugungi ishtirokidan olib borilgan matnli translyaciya o'z yakuniga etdi. 

17:50. Sportchimiz Ekaterina Voronina musobaqalarda o'n ikkinchi o'rinni egalladi. Afsuski, bu sportchimiz ham medalga ega chiqmadi. 

16:24. Bu orada koronavirus sabab O'zbekiston terma jamoasi delegaciyasi tarkibida o'zgarish yuzaga keldi: Badiiy gimnastikachimiz Sabina Tashkenbaeva Olimpiadada ishtirok eta olmaydigan bo'ldi. 

16:22. Endi Toshkent vaqti bilan soat 17:20da Ekaterina Voronina ettikurashning so'nggi bosqichi - 800 metrga yugurish bahslarida chiqish qiladi. 

16:20. Afsuski, bugun ham medaldan quruq qoldik...

16:18. Javrail SHapiev afsuski rossiyalik Artur Naifonovga 0:2 hisobida imkoniyatni boy berib qo'ydi va bronza medalidan quruq qoldi - 5-o'rin...

16:10. Javrail SHapievning rossiyalik raqibga qarshi bahsi boshlanmoqda.

15:22. Zamonaviy beshkurash. Aleksandr Savkin qilichbozlik bahslarida 35 ta jang o'tkazdi. Ularning 7 tasida g'alaba, 28 tasida mag'lubiyat qayd etildi. Sportchimiz 36 nafar sportchi ichida "faxrli" 36-o'rinni egallab turibdi.

14:36. Erkin kurash. Rossiyalik Zaurbek Sidakov qozog'istonlik Daniyar Kaisanovni mag'lubiyatga uchratdi. Sidakov finalga chiqqani sabab, Bekzod Abdurahmonovda bronza medali uchun kurashish imkoniyati paydo bo'ldi.

14:08. Endi yana bir beshkurashchimiz, erkaklar o'rtasida Aleksandr Savkin o'z ishtirokini boshladi.

13:33. Sport kurashlari. Soat 14:15 dan so'ng bugungi yarim final bellashuvlari boshlanadi. Unda Bekzod Abdurahmonov bronza uchun kurashni davom ettirish-ettirmasligi malum bo'ladi. Soat taxminan 15:50 dan so'ng esa Javrail SHapiev bronza uchun kurashadi. 

12:18. Beshkurashchimiz qilichbozlik bahslarini 16 ta g'alaba va 19 ta mag'lubiyat bilan yakunladi. Birinchi bosqichdan keyin Alise 22-o'rinni egallab turibdi.

10:26. Voronina nayza uloqtirish bahslarini o'z guruhidagi 11 sportchi ichida 5-o'rin bilan yakunladi. U umumiy hisobda 24 sportchi ichida 12-o'rinni egallab turibdi.

10:21. Beshkurashchimiz Alise Faxrutdinova 5 ta g'alaba, 10 ta mag'lubiyat qayd etdi va 22-o'rinni egallab turibdi. 

9:34. Malumot uchun, ayollar o'rtasidagi zamonaviy beshkurash bahslarida 36 nafar sportchi ishtirok etmoqda. Faxrutdinova qilichbozlik bahslarida o'z chiqishini boshladi. 

9:29. Javrail SHapievning bronza medali uchun bahsi Toshkent vaqti bilan taxminan 15:50dan so'ng boshlanadi. U rossiyalik Artur Nifonovga qarshi bahs yuritadi

9:17. Zamonaviy beshkurash bahslari boshlanmoqda. Bugun ikki nafar sportchi - Alise Faxrutdinova va Aleksandr Savkin ushbu bahslarda O'zbekiston sharafini himoya qiladi.

9:13. Abdurahmonov rossiyalik Zaurbek Sidakovga qarshi bahs olib bordi va afsuski 6:13 hisobida imkoniyatni boy berib qo'ydi. Endi agar rossiyalik sportchi finalga chiqsa, Bekzodda bronza uchun imkoniyat bo'ladi.

9:04. Abdurahmonovning rossiyalik raqibga qarshi bahsi boshlanmoqda.

8:45. Malumot uchun, Bekzodning navbatdagi raqibi hisoblangan Zaurbek Sidakov ayni paytda 25 yoshda: u ikki karra jahon chempioni, Evropa o'yinlari g'olibidir.

8:28. Endi Abdurahmonov birozdan so'ng chorak finalda rossiyalik Zaur Sidakovga qarshi bellashadi. Bahs taxminan 9:00dan so'ng boshlanadi. 

8:19. Abdurahmonov 10:0 hisobidagi ishonchli g'alabaga erishdi va chorak finalga yo'l oldi. 

8:11. Bekzod ishtirokidagi bellashuv boshlandi. Medal kutayotgan yana bir sportchilarimizdan biri!

8:00. Birozdan so'ng Bekzod Abdurahmonov Olimpiadadagi yurishini boshlaydi. Unga 1/8 finalda Puerto-Riko vakili Franklin Gomes raqiblik qiladi. 

7:16. Afsuski, -57 kg vaznli erkin kurashchimiz G'ulomjon Abdullaev amerikalik raqibiga 1:11 hisobida yutqazib qo'ydi va Olimpiadadagi ishtirokini yakunladi.

7:11. -86 kg vaznli erkin kurashchimiz Javrail SHapiev shveycariyalik Stefan Richmutga qarshi bahs yuritdi va 5:2 hisobida g'alaba qozondi! Endi u kunduzi bronza medali uchun rossiyalik Artur Nifonovga qarshi bahs yuritadi.

7:03. Safina Sadullaeva 1.95 metr balandlikka sakray oldi. Endi u 7 avgust kuni medal uchun o'tkaziladigan final bellashuvlarida qatnashadi!

6:49. Birozdan so'ng erkin kurashchilarimiz bronza medali uchun o'tish bahsida ishtirok etishadi. 

6:45. Svetlana Radzivil uchta urinishdan keyin ham 1.93 metr balandlikni zabt eta olmadi va Olimpiadadagi ishtirokini yakunladi. 

6:33. Safina Sadullaeva ilk urinishdayoq 1.93 metr balandlikka sakray oldi. 

6:15. Radzivil ham nihoyat uchinchi urinishda 1.90 metr natijani ko'rsata oldi.

6:12. Hozircha Radzivil 1.86 m, Sadullaeva esa 1.90 m balandlikni zabt etdi.

6:07. Balandlikka sakrash bahslarida Svetlana Radzivil va Safina Sadullaeva saralash bahslarida ishtirok etishmoqda.

5:48. Ettikurash bahslarida Ekaterina Voronina uzunlikka sakrash yo'nalishida ishtirok etdi. U 6.11 metr uzoqlikka sakradi va o'z guruhidagi 11 nafar sportchi ichida uchinchi natijani qayd etdi. Beshinchi chiqishdan so'ng Voronina umumiy hisobda 24 sportchi ichida 19-o'rinni egallab turibdi.

5:29. Assalomu alaykum hurmatli sport ishqibozlari. O'zbekistonlik sportchilarning ishtirokiga bag'ishlangan matnli translyaciyamizni boshlaymiz. 

5 avgust kuni Olimpiadada qatnashadigan o'zbekistonlik sportchilar:

5:10 - Engil atletika: Svetlana Radzivil (balandlikka sakrash)

5:10 - Engil atletika: Safina Sadullaeva (balandlikka sakrash)

5:40 - Engil atletika: Ekaterina Voronina (ko'pkurash)

7:00 - Erkin kurash: G'ulomjon Abdullaev

7:00 - Erkin kurash: Javrail SHapiev

7:50 - Erkin kurash: Bekzod Abdurahmonov

9:00 - Zamonaviy beshkurash: Alise Faxrutdinova

9:00 - Zamonaviy beshkurash: Aleksandr Savkin

Soatlar Toshkent vaqti bilan ko'rsatilgan