Tokio Olimpiadasi licenziyalari uchun kurashadigan ayollar terma jamoasi tarkibi malum

Uch kun davomida erkin, yunon-rum va ayollar kurashi vakillari Olimpiada yo'llanmalari uchun gilamga chiqishadi. 

Biroz avval erkin va yunon-rum kurashi bo'yicha O'zbekiston terma jamoalarining Qozog'istonga boradigan tarkibni elon qilgandik. Ayollar kurashi terma jamoasi bosh murabbiyi Anatoliy Ibragimov ham Tokio Olimpiadasi yo'llanmalari uchun kurashadigan tarkibni oshkor etdi. 

Malumot uchun, olimpiya o'yinlariga so'nggi licenzion turnir 6-9 may kunlari Bolgariya poytaxti Sofiya shahrida o'tkaziladi. Jahon licenzion turnirida barcha qita kurashchilari so'nggi imkoniyatdan foydalanishadi. 

Hozirda erkin va ayollar kurashi terma jamoalarimizda licenziya yo'q. Ular 6 tadan vazn toifasida jami 12 ta yo'llanma uchun gilamga chiqishadi. Ikki yil avval Nur-Sultanda o'tgan jahon chempionatida klassiklarimizdan Elmurat Tasmuradov, Jalgasbay Berdimuratov va Rustam Assakalov Tokio Olimpiadasi yo'llanmasini qo'lga kiritishgan edi.  

Ayollar kurashi terma jamoasi tarkibi: 

50 kg: Dauletbike Yaxshimuratova

53 kg: Aktenge Keunimjaeva

57 kg: SHohida Ahmedova

62 kg: Nabira Esenbaeva 

68 kg: Svetlana Oknazarova

76 kg: SHahribonu Ellieva   

Bosh murabbiyi - Anatoliy Ibragimov