Tokio Olimpiadasiga 5 ta lizenciya qo'lga kiritgan sport kurashchilarimiz Olmaotadan qaytishdi FOTOREPORTAJ

Musobaqa yakunida yunon-rum kurashchimiz Mo'minjon Abdullaev (130 kg) oltin medal bilan birga olimpiya o'yinlari yo'llanmasini ham qo'lga kiritdi. Bu Abdullaev uchun uchinchi Olimpiada bo'ladi. Erkin kurashchilarimizdan esa G'ulomjon Abdullaev (57 kg), Javrail SHapiev (86 kg), Bekzod Abdurahmonov (74 kg) va Magomed Ibragimov (97 kg) Olimpiada chiptasini rasmiylashtirishdi. G'ulomjon va Javrail oltin, Bekzod va Magomed licenzion turnirning bronza medaliga ega bo'lishdi.

Bugun O'zbekiston sport kurashlari associaciyasi bosh kotibi SHuhrat Mamadaliev boshchiligidagi terma jamoamiz delegaciyasi Olmaota shahridan yurtimizga qaytib keldi. Muzaffar kurashchilarimizni O'zbekiston Milliy olimpiya qo'mitasi raisi Rustam SHoabdurahmonov, MOQ bosh kotibi Oybek Kasimov, rais o'rinbosarlari Ravshan Irmatov, SHerzod Tashmatov, keng sport jamoatchiligi hamda ommaviy axborot vositalari xodimlari kutib olishdi.    

Malumot uchun, Tokio Olimpiadasiga so'nggi licenzion turnir 6-9 may kunlari Bolgariya poytaxti Sofiya shahrida o'tkaziladi. Jahon licenzion turnirida barcha qita kurashchilari, shu jumladan O'zbekiston terma jamoasi azolari ham so'nggi imkoniyatdan foydalanadi. Hozirda erkin kurashda 2 ta, yunon-rum kurashida ham 2 ta, ayollar kurashida esa to'liq 6 ta yo'llanmani qo'lga kiritish imkoniyati bor.