To'lqin Qilichev terma jamoamizning Tokiodagi ishtirokiga baho berdi

"Terma jamoamizning ishtiroki... Biz oxirgi vaqtlarda har bir musobaqalarda katta natijalarni qayd etib kelgandik, shu sababli ham biz uchun bittagina medal sal g'alatiroq tuyildi. Lekin nima bo'lgan taqdirda ham biz oltin medalni qo'lga kiritdik. Bu esa bizni xursand qildi. Umumiy natijaga qaraydigan bo'lsak, jamoamiz yomon ishtirok etmadi, biroq bazi bokschilarimiz kutilganidek harakat qila olishmadi. Nega? Sababi ko'pchilik bokschilarimiz uchun bu Olimpiada birinchisi edi. Medal ko'proq olishni istagan edik, biroq natija natijaligicha qoladi. Nima bo'lgan taqdirda ham bizda oltin bor. Endi barcha kamchiliklardan to'g'ri xulosa chiqarishimiz kerak va kelasi Olimpiya o'yinlarida ko'proq medalga ega chiqishga harakat qilamiz", - dedi Qilichev.