To'qqiz bokschimiz Osiyo chempionati 1/2 finalida!

CHempionatning kechagi kunida o'smirlar o'rtasida chorak final bellashuvlari o'tkazildi. 

Unda ishtirok etgan Maftuna Musurmonova, Nilufar Hamdamova, Robiya Ravshanova, Farzuna Ro'zieva, Sevara Mamatova, Xadichabonu Bekova, Maftuna Yangieva, Hikmatilla Sobirov va Elyor Rustamov o'z vazn toifalarida g'alaba qozonib, yarim final bosqichiga yo'l oldi.  Afsuski, mazkur bosqichda Muxtasar Alieva hamda Bahora Esonova kabi bokschilarimiz imkoniyatni boy berib qo'ydi.

Bugun, 4 sentyabr kuni 11 nafar o'smirlarimiz yarim final yo'llanmasi uchun ringga ko'tariladi. Bahslar Toshkent vaqti bilan soat 13:00 da start oldi.

Bugun ringga ko'tariladigan bokschilarimiz:

-50 kg: Muhammad Rizo Ukimov — Munkh-Erdene Odbayar (Mo'g'uliston)

-52 kg: Behruz Qurbonov — Jia-Xian Su (Xitoy Taypeyi)

-54 kg: Ibrohim SHokirjonov — Saedali Malakoutidehkord (Eron)

-57 kg: Jahongir Zaynidinov — Vindel Saytuna (Filippin)

-60 kg: Saidxo'ja Sadillaxo'jaev — Ahmadshoh Hoshimov (Tojikiston)

-63 kg: Suxrob Rahmatullaev — Muhammadqodir Abdumanabov (Qirg'iziston)

-66 kg: Jasurbek Usmonjonov — Jitesh Sangvan (Hindiston)

-70 kg: Diyorbek Murodilloev — Nurassil Karimbek (Qozog'iston)

-75 kg: Asilbek Abdusamadov — Fazliddin Vahidov (Qirg'iziston)

-80 kg: Jahongir Ergashev — Kuang-Yao CHeng (Xitoy Taypeyi)

+80 kg: Islom Solihov — Krish (Hindiston)