06 apr 00:48
Yangiliklar
Boks/MMA
To'rabek Habibullaev angliyalik raqibiga imkon qoldirmagan holda o'zi uchun yangi vaznda Jahon kubogi g'olibiga aylandi
Fos-du-Iguasu shahrida davom etayotgan boks bo'yicha Jahon kubogining so'nggi kunidan o'rin olgan bahslar o'tkazilyapti.
Kunduzgi dasturdan o'rin olgan final bellashuvlari yakuniga etdi.
Dasturning so'nggi jangi o'zbekistonlik To'rabek Habibullaev (-90 kg) hamda Angliya vakili Isaak Okox o'rtasida kechdi.
To'liq davom etgan jangda Habibullaev hakamlarning yakdil qarori bilan 5:0 hisobida g'alaba qozonib, o'zi uchun yangi vazn toifasidagi ilk musobaqasida oltin medalga ega chiqdi.
Jahon kubogidagi oltin medallarimiz soni esa hozircha 3 tani tashkil etmoqda.
Kechgi dastur bahslari bizning vaqt bilan tonggi 3:00 da boshlanadi. Unda yana uch nafar bokschimiz ringga ko'tariladi:
-55 kg: Mirazizbek Mirzahalilov - Nursultan Altinbek (Qozog'iston) 04:00
-80 kg: Javohir Ummataliev - Vanderley Perreyra (Braziliya) 04:45
+90 kg: Jahongir Zokirov - Damar Tomas (Angliya) 05:00
Havola :
Manba : olamsport.com
Fikrlar