To'rt davlat dyuzdochilari Toshkentda osh pishirishdi FOTOGALEREYA

Franciya, Qirg'iziston, Gruziya va Misr terma jamoalaridan tashrif buyurgan dzyudochilar ishtirokida tashkil qilinayotgan yig'in do'stona ruhda davom etmoqda.

Rejaga ko'ra, kecha dam olish kuni bo'ldi. Bundan unumli foydalangan holda O'zbekiston dzyudo federaciyasi tomonidan xalqimizga xos mehmondo'stlik urf-odatlari asosida dasturxon yozildi. Mehmonlar uchun ko'p yillik tajribaga ega oshpazimiz 10 kilogramm osh damlab berdi. 3 karra Olimpiya o'yinlari sovrindori, 2 karra jahon chempioni Rishod Sobirov esa salat tayyorlashni o'z zimmasiga oldi.

Mehmonlarimiz holidan xabar olish va ularning do'stona muloqotini kuzatish uchun MOQ rahbariyati ham tadbir bo'lib o'tgan «Ichan qala» restoraniga tashrif buyurishdi. SHuningdek, osh tayyorlanishi jarayonida dzyudochilar o'zaro do'stona suhbat qurishdi. 

Uchrashuvda Ilias Iliadis boshchiligidagi jamoamiz, 2019 yilgi jahon chempionatining -60 kilogramm vazn toifasidagi finalchilari SHarofiddin Lutfillaev va gruziyalik Luxumi CHxvimiami, eng og'ir vazn toifasida 2018 yilgi jahon chempioni Guram Tushishvili, -100 kg vazn toifasida dunyoning etakchi polvonlaridan misrlik Ramazan Darvish kabi taniqli dzyudochilar bilan o'tgan suhbatlar orqali ishtirokchilar tatamidan tashqari o'zaro hayotiy tajribalarini ham almashishdi.

Etiboringizga tasvirchimiz esdalik uchun muhrlagan fotosuratlarni havola qilamiz: