To'rt nafar vakilimizda g'alaba, Saidjamshid esa jangsiz keyingi bosqichga yo'l oldi. Jahon chempionatining to'qqizinchi kuni ham yakunlandi

Bugungi kun doirasida ham besh nafar o'zbekistonlik bokschi jang qildi:

Kunduzgi dasturda:

1. -51 kgda 1/8 final jangi: Hasanboy Do'smatov - Erislan Romero (Kuba), (Hakamlarning yakdil qarori bilan)
2. -71 kgda 1/8 final jangi: Saidjamshid Jafarov - Gabriel Llanos (Puerto-Riko), (Raqib jang qilishni istamadi).

Kechgi dasturda:

3. -54 kgda 1/8 final jangi: Oybek Jo'raev - Ariol Zeneli (Albaniya), (Hakamlarning yakdil qarori bilan)
4. -67 kgda 1/8 final jangi: Asadxo'ja Mo'ydinxo'jaev - Kiril Samadurau (Belorus), (Hakamlarning yakdil qarori bilan)
5. -75 kgda 1/8 final jangi: Aloxon Abdullaev - Almir Memich (Serbiya), (Hakamlar qarori bilan).

SHu tariqa, 13 bokschimizdan 11 nafari chorak final bosqichiga yo'l oldi. Ertaga ularning barchasi yarim final yo'lida jang qiladi.

MATNLI TRANSLYACIYA

20:34. Uchinchi raund vakilimiz uchun biroz havotirliroq o'tdi. Ikkinchi raundda Aloxon raqibini nokdaun qilgan bo'lsa, uchinchi raundda uning o'zi shu holga tushib qoldi. Nima bo'lganda ham, Aloxon 4:0 hisobida g'alaba qozonib, chorak finalga yo'l oldi.

20:30. Ikkinchi raund juda ajoyib o'tdi. Aloxon raqibini ikki bor nokdaun qildi, hisob esa bu safar 5:0!

20:26. Raund yakunlandi. Hisob 4:1, Aloxon oldinda.

20:22. Birinchi raundga start berildi.

20:19. Aloxon Abdullaev ishtirokidagi jang start olmoqda.

19:52. Yana ikkita jangdan so'ng bugun ringga chiqadigan so'nggi vakilimiz Aloxon Abdullaevning jangi boshlanadi.

19:30. Ajoyib klass evaziga Asadxo'ja Mo'ydinxo'jaev Kiril Samadurauni 5:0 hisobida mag'lub etdi va chorak finalga yo'l oldi.

19:26. Jangning ikkinchi raundi ham tugadi, Asadxo'ja deyarli yaqqol ustunlik qildi bu raundda, hisob ham 5:0 ekanicha qoldi.

19:22. Birinchi raund yakuniga etdi. Hisob 5:0, Asadxo'ja oldinda.

19:18. Asadxo'ja Mo'ydinxo'jaevning beloruslik bokschiga qarshi jangi boshlandi!

18:44. Guvohi bo'lganingizdek, Oybek Jo'raev albaniyalik raqibini 5:0 hisobida mag'lub etdi va chorak finalga yo'l oldi. U chorak finalga chiqqan to'qqizinchi o'zbek bokschisi bo'ldi.

18:39. Jangning ikkinchi raundi ham tugadi, bu safar hakamlar 5:0 hisobida Oybekning ustunligini ko'rsatishdi. Umumiy hisob 4:0.

18:36. Raund yakunlandi. Hisob 4:1, Oybek Jo'raev foydasiga.

18:32. Birinchi raundga start berildi.

18:30. Va nihoyat Oybek Jo'raev ringga ko'tarilmoqda. U chorak final yo'lida albaniyalik Ariol Zeneli bilan jang qiladi. 

18:16. Yana bitta jangdan so'ng Oybek Jo'raev chorak final yo'lida albaniyalik bokschiga qarshi ringga chiqadi.

18:01. "Humo" Arenasida boks bo'yicha kattalar o'rtasidagi jahon chemponatining to'qqizinchi kunidan o'rin olgan kechgi dastur jangari start oldi.

17:01. Kunduzgi dasturdan o'rin olgan janglar yakuniga etdi. 18:00 dan boshlab kechgi dastur janglari start oladi.

15:07. Xabar berganimizdek, Saidjamshid Jafarov avtomatik ravishda chorak finalga yo'l oldi, shu sababdan endilikda kechgi dastur janglarigacha o'zbek bokschilarini kutamiz. SHunday ekan, uch soatdan so'ng "Humo Arena"da ko'rishguncha:)


14:31. Hasanboy Do'smatov kubalik Erislan Romeroni 5:0 hisobida mag'lub etib, chorak finalga yo'l oldi. Klass!

14:26. Jangning ikkinchi raundi ham yakunlandi, "professor" Hasanboy Do'smatov o'z ishini alo tarzda bajaryapti, hisob ham 5:0 ekanicha qolmoqda.

14:22. Birinchi raund yakunlandi. Hisob 5:0, Hasanboy foydasiga!

14:19. Do'smatov ishtirokidagi jang start oldi.

14:09. Assalomu alaykum, JCHning to'qqizinchi kuni ham start oldi. Yana bir necha daqiqalardan so'ng Hasanboy Do'smatov ringga chiqadi.