Тўрт нафар вакилимизда ғалаба, Саиджамшид эса жангсиз кейинги босқичга йўл олди. Жаҳон чемпионатининг тўққизинчи куни ҳам якунланди

Бугунги кун доирасида ҳам беш нафар ўзбекистонлик боксчи жанг қилди:

Кундузги дастурда:

1. -51 кгда 1/8 финал жанги: Ҳасанбой Дўсматов - Эрислан Ромеро (Куба), (Ҳакамларнинг якдил қарори билан)
2. -71 кгда 1/8 финал жанги: Саиджамшид Жафаров - Габриэль Лланос (Пуэрто-Рико), (Рақиб жанг қилишни истамади).

Кечги дастурда:

3. -54 кгда 1/8 финал жанги: Ойбек Жўраев - Ариол Зенели (Албания), (Ҳакамларнинг якдил қарори билан)
4. -67 кгда 1/8 финал жанги: Асадхўжа Мўйдинхўжаев - Кирил Самадурау (Белорус), (Ҳакамларнинг якдил қарори билан)
5. -75 кгда 1/8 финал жанги: Аълохон Абдуллаев - Алмир Мемич (Сербия), (Ҳакамлар қарори билан).

Шу тариқа, 13 боксчимиздан 11 нафари чорак финал босқичига йўл олди. Эртага уларнинг барчаси ярим финал йўлида жанг қилади.

МАТНЛИ ТРАНСЛЯЦИЯ

20:34. Учинчи раунд вакилимиз учун бироз ҳавотирлироқ ўтди. Иккинчи раундда Аълохон рақибини нокдаун қилган бўлса, учинчи раундда унинг ўзи шу ҳолга тушиб қолди. Нима бўлганда ҳам, Аълохон 4:0 ҳисобида ғалаба қозониб, чорак финалга йўл олди.

20:30. Иккинчи раунд жуда ажойиб ўтди. Аълохон рақибини икки бор нокдаун қилди, ҳисоб эса бу сафар 5:0!

20:26. Раунд якунланди. Ҳисоб 4:1, Аълохон олдинда.

20:22. Биринчи раундга старт берилди.

20:19. Аълохон Абдуллаев иштирокидаги жанг старт олмоқда.

19:52. Яна иккита жангдан сўнг бугун рингга чиқадиган сўнгги вакилимиз Аълохон Абдуллаевнинг жанги бошланади.

19:30. Ажойиб класс эвазига Асадхўжа Мўйдинхўжаев Кирил Самадурауни 5:0 ҳисобида мағлуб этди ва чорак финалга йўл олди.

19:26. Жангнинг иккинчи раунди ҳам тугади, Асадхўжа деярли яққол устунлик қилди бу раундда, ҳисоб ҳам 5:0 эканича қолди.

19:22. Биринчи раунд якунига етди. Ҳисоб 5:0, Асадхўжа олдинда.

19:18. Асадхўжа Мўйдинхўжаевнинг белоруслик боксчига қарши жанги бошланди!

18:44. Гувоҳи бўлганингиздек, Ойбек Жўраев албаниялик рақибини 5:0 ҳисобида мағлуб этди ва чорак финалга йўл олди. У чорак финалга чиққан тўққизинчи ўзбек боксчиси бўлди.

18:39. Жангнинг иккинчи раунди ҳам тугади, бу сафар ҳакамлар 5:0 ҳисобида Ойбекнинг устунлигини кўрсатишди. Умумий ҳисоб 4:0.

18:36. Раунд якунланди. Ҳисоб 4:1, Ойбек Жўраев фойдасига.

18:32. Биринчи раундга старт берилди.

18:30. Ва ниҳоят Ойбек Жўраев рингга кўтарилмоқда. У чорак финал йўлида албаниялик Ариол Зенели билан жанг қилади. 

18:16. Яна битта жангдан сўнг Ойбек Жўраев чорак финал йўлида албаниялик боксчига қарши рингга чиқади.

18:01. "Ҳумо" Аренасида бокс бўйича катталар ўртасидаги жаҳон чемпонатининг тўққизинчи кунидан ўрин олган кечги дастур жангари старт олди.

17:01. Кундузги дастурдан ўрин олган жанглар якунига етди. 18:00 дан бошлаб кечги дастур жанглари старт олади.

15:07. Хабар берганимиздек, Саиджамшид Жафаров автоматик равишда чорак финалга йўл олди, шу сабабдан эндиликда кечги дастур жангларигача ўзбек боксчиларини кутамиз. Шундай экан, уч соатдан сўнг "Ҳумо Арена"да кўришгунча:)


14:31. Ҳасанбой Дўсматов кубалик Эрислан Ромерони 5:0 ҳисобида мағлуб этиб, чорак финалга йўл олди. Класс!

14:26. Жангнинг иккинчи раунди ҳам якунланди, "профессор" Ҳасанбой Дўсматов ўз ишини аъло тарзда бажаряпти, ҳисоб ҳам 5:0 эканича қолмоқда.

14:22. Биринчи раунд якунланди. Ҳисоб 5:0, Ҳасанбой фойдасига!

14:19. Дўсматов иштирокидаги жанг старт олди.

14:09. Ассалому алайкум, ЖЧнинг тўққизинчи куни ҳам старт олди. Яна бир неча дақиқалардан сўнг Ҳасанбой Дўсматов рингга чиқади.