23 iyu 12:06
Yangiliklar

Sport kurashlari

To'rt nafar yunon-rum kurashchimiz Osiyo chempionati finalida!

Teglar : Osiyo chempionati Abror Atabaev

Qirg'iziston poytaxtida davom etayotgan sport kurashlari bo'yicha o'smirlar va yoshlar o'rtasidagi Osiyo chempionatining yunon-rum kurashi bahslarida yarim final ishtirokchilari malum bo'ldi.

Etiborlisi, bugun gilamga chiqqan to'rt nafar yunon-rum kurashchimizning bari 23 yoshgacha yoshlar o'rtasidagi Osiyo chempionatining finaliga yo'l oldi. 60 kg vazndagi kurashchimiz SHermuhammad SHaribjonov yarim finalda turkmanistonlik Arslanbek Zakirbaevni 9-0 hisobida dog'da qoldirdi. SHaribjonovning finaldagi raqibi mezbonlar vakili Nurmuhammet Abdullaev bo'ladi.

Osiyo chempionligi uchun asosiy davogar hisoblanayotgan Abror Atabaev 67 kg vazn toifasi yarim finalida turkmanistonlik Salihberdi Hommadovni muddatidan avval taslim (8-0) eta oldi. Atabaevning finaldagi raqibi ham qirg'izistonlik kurashchi Azamat Samat bo'ladi. U yarim finalda hindistonlik Gaurav Duxunni 8-0 hisobida engdi.

72 kg vaznda yurtimiz sharafini himoya qilayotgan Jahongir Hamroev turkmanistonlik Begmirat Nobatovni 11-2, saudiyalik Hassan Barnavini 4-0, yarim finalda qozog'istonlik Kiril Minkoni 9-0 hisobida dog'da qoldirdi. Uning oltin medal uchun kechadigan final bahsidagi raqibi qirg'izistonlik Adilxan Nurlanbekov bo'ladi. U hozirgina yakuniga etgan yarim final uchrashuvida turkmanistonlik raqibidan 9-4 hisobida ustun keldi.

77 kg vazn toifasidagi Dilshod Omongeldiev yarim finalda hindistonlik Sajan Sajandan 8-0 hisobida ustun keldi. Hamyurtimiz kechki final dasturida qirg'izistonlik Akilbek Talantbekovga qarshi Osiyo chempionligi uchun gilamga chiqadi.