30 may 12:59
Yangiliklar

Gimnastika, Olimpiya o'yinlari

Toshkenboeva ham Tokio-2020 Olimpiadasiga boradi

Teglar : Tokio-2020 Sabina Toshkenboeva

SHu kunlarda Italiyaning Pezaro shahrida badiiy gimnastika bo'yicha Tokio-2020 Olimpiya o'yinlariga licenziyalar taqdim etuvchi yilning so'nggi musobaqasi – Jahon kubogi bosqichi o'tkazilmoqda.

Quvonarlisi, unda ishtirok etayotgan hamyurtimiz Sabina Toshkenboeva uzoq davom etgan Olimpiya o'yinlariga saralash ciklini muvaffaqiyatli yakunladi va Tokio-2020 yo'llanmasini qo'lga kiritdi.

Pezaroda Tokio-2020 olimpiadasining shaxsiy birinchiligida ishtirok etadigan eng baxtli uch nafar sportchisi saralab olindi. G'oliblar Jahon kubogining to'rtta bosqichi, yani Sofiya (Bolgariya), Toshkent (O'zbekiston), Boku (Ozarbayjon) hamda Pezaro (Italiya) shaharlarida o'tkazilgan musobaqalarda qayd etilgan umumiy natijalarga ko'ra aniqlandi.

Bizni xushnud etgan jihati, hamyurtimiz Sabina Toshkenboeva ana shu baxtli sportchilar qatoridan joy oldi. U yakunda 130 ochko to'pladi va bu natija unga XXXII yozgi Olimpiya o'yinlarida qatnashish huquqini taqdim etdi.