“Toshkent-2025” yoshlar Osiyo o'yinlariga iqtidorlar saralanmoqda

Ushbu musobaqa dasturiga kiritilishi kutilayotgan aksariyat sport turlaridan 2008-2009-yillarda tug'ilgan yoshlar g'oliblik uchun bahs olib borishadi.

Respublika Olimpiya zaxiralari kollejida hozirdan ushbu musobaqalarga puxta hozirlik ko'rish maqsadida selekciya ishlariga jiddiy etibor qaratilmoqda. SHu maqsadda yunon-rum kurashi bo'yicha 2008-2009-yillarda tug'ilgan o'smirlar o'rtasida ROZK Ochiq chempionati o'tkazildi.

Musobaqada respublikamizning 12ta hududidan (faqat Qoraqalpog'iston Respublikasi va Xorazm viloyati vakillari kelishmadi) jami 520 nafar iqtidorli yoshlar g'oliblik uchun o'zaro bellashishdi. 

Maqsad – ushbu yosh toifasida eng iqtidorli va kuchli yoshlarni saralab olish, ularni ROZKga o'qishga qabul qilish hamda Toshkent-2025 yoshlar Osiyo o'yinlariga har tomonlama puxta tayyorgarlik ko'rishdan iborat.

Bu kabi selekciya ishlari boshqa sport turlarida ham amalga oshirilishi belgilangan.