Toshkent karate WKF bo'yicha Osiyo chempionatiga mezbonlik qiladi

Uchrashuvda Jismoniy tarbiya va sport vazirining birinchi o'rinbosari Oybek Qosimov, vazirlikning tegishli boshqarmalari boshliqlari O'zbekiston karate milliy federaciyasi raisi Alamjon Mullaev hamda federaciya Bosh kotibi Kamoliddin Xodjiniyazov ishtirok etishdi.

Tadbirda asosiy mavzu sifatida karate WKF bo'yicha O'zbekistonda o'tadigan Osiyo chempionati tashkil etish masalasi muhokama qilindi. SHuningdek, tomonlar karateni yurtimizda yanada ommalashtirish, moddiy-texnik bazani mustahkamlash, sportchilarimizni nufuzli musobaqalarga tayyorlash bo'yicha amalga oshirilishi lozim bo'lgan ishlar haqida o'zlari fikr almashishdi.

Oybek Qosimov delegaciya azolariga so'nggi yillarda yurtimizda karateni ommalashtirish borasida amalga oshirilayotgan ishlar haqida batafsil malumot berib, poytaxtimizda Osiyo chempionatini yuqori saviyada tashkil etish bo'yicha barcha choralar ko'rilishini malum qildi.

“Sizni yurtimizda ko'rib turganimdan xursandman. Xush kelibsiz. Bugungi kunda Muhtaram Prezidentimiz tomonidan yurtimizda jismoniy tarbiya va sportni ommalashtirishga alohida etibor qaratilmoqda. SHuni mamnuniyat bilan takidlash lozimki, mamlakatimiz sport turlari bo'yicha bir qator jahon va Osiyo chempionatlariga muntazam ravishda mezbonlik qilib kelmoqda. Xususan, joriy yilda O'zbekiston 34 ta nufuzli xalqaro musobaqalarga mezbonlik qilishi rejalashtirilgan. Karate WKF bo'yicha qita birinchiligiga ham munosib mezbonlik qilish bo'yicha barcha imkoniyatlar ishga solinadi.” – dedi O.Qosimov

O'z navbatida janob Vinsent CHen ham chempionat oldidan mavjud sharoitlar bilan tanishish va ushbu masala yuzasidan muzokaralar olib borish maqsadida yurtimizga kelganini takidlab o'tdi.

“Yana Toshkentdaligimdan bag'oyat xursandman. Bu safar ikkinchi marta kelishim. Poytaxtingiz menda tozaligi va qulayligi bilan katta taassurot qoldirgan. Bu erda o'zimni juda ajoyib his qilaman. Yurtingizda jismoniy tarbiya va sportga qaratilayotgan etiborni o'zbekistonlik sportchilarning nufuzli musobaqalarda qo'lga kiritayotgan natijalaridan ham ko'rishimiz mumkin. Aholi sonidan kelib chiqadigan bo'lsak, natijalaringiz aholi ancha ko'p va iqtisodiyoti rivojlangan ayrim davlatlarnikidanda yuqori. Tashrifim davomida mavjud infrastrukturani o'rgandim. Toshkent nafaqat qita birinchiliklarini balkim, jahon miqyosidagi musobaqalarni o'tkazishga tayyor deb o'ylayman.” – dedi janob Vinsent CHen

Yakunda tomonlar joriy yilning iyul oyida poytaxtimizda Tokio Olimpiadasining licenziyalari o'ynaladigan Osiyo chempionatini o'tkazishga kelishib olishdi.