21 fev 11:34
Yangiliklar

Dzyudo

Toshkent "Katta Dubulg'a" turniridagi ishtirokini rasman tasdiqlagan davlatlar soni 45 taga etdi

Xabaringiz bor, 3-5 mart kunlari poytaxtimiz yana katta dzyudo bayramiga mezbonlik qiladi.

Uch kun davomida dunyoning ko'zga ko'ringan dzyudochilari umumiy mukofot jamg'armasi 154 000 evroni tashkil eouvchi Toshkent "Katta Dubulg'a" musobaqasi medallari hamda Parij-2024 Olimpiadasi yo'lidagi qimmatli reyting ochkolari uchun tatamiga chiqadilar.

Ayni shu soniyalarga kelib, O'zbekistonga kelish istagini rasman tasdiqlagan davlatlar soni 45 taga etdi. Sayyoramizning 5 qitasi 45 davlatidan jami 286 (150 erkak, 136 ayol) nafar dzyudochi Xalqaro dzyudo federaciyasi (IJF) rasmiy saytida ro'yxatdan o'tkazilgan.

Ishtirokchi davlatlar orasida Ozarbayjon, Gruziya, Franciya, Kanada, Kuba, Xorvatiya, Germaniya, Buyuk Britaniya, Italiya, Qozog'iston, Portugaliya, Ispaniya, Ukraina, Janubiy Koreya singari dzyudosi rivojlangan mamlakatlar bor.