Toshkentda Anvar Boynazarov ishtirokida matbuot anjumani bo'lib o'tdi

Matbuot anjumanida muaytay bo'yicha ikki karra jahon chempioni, "Glory" ligasi ishtirokchisi Anvar Boynazarov, shuningdek, kikboksing bo'yicha "WAKO" yo'nalishida jahon chempionligini qo'lga kiritgan SHer Mamazulunovlar ishtirok etishdi.

"Ushbu matbuot anjumani tashkil qilinganligi uchun katta minnatdorchilik bildirmoqchiman. Bugun ilk marotaba yurtimizdagi matbuot anjumanida qatnashdim.

Vatanimizdagi professional kikboksingni rivojlantirish uchun o'z hissamni qo'shmoqchiman", - dedi Anvar Boynazarov.



O'z o'rnida SHer Mamazulunov ham vatanimiz shanini yuksaklarga ko'tarish uchun barcha imkoniyatlarni ishga solmoqchi ekanligini aytib o'tdi.

"Taklif uchun matbuot anjumani tashkilotchilariga minnatdorchilik bildiraman. Bundan keyin bo'ladigan janglarimda ham g'alaba qozonib, muxlislarimizni xursand qilaman", - dedi u.

Tadbir so'nggida sportchilarimiz va ularning murabbiylariga esdalik sovg'alari topshirildi.