Toshkentda badiiy gimnastika bo'yicha Jahon kubogi bosqichi nihoyasiga etdi + FOTOGALEREYA

Musobaqaning oxirgi kunida O'zbekiston terma jamoasi 2 ta bronza medaliga sazovor bo'ldi. Taxmina Ikromova halqadagi mashqda, shuningdek, guruh mashqida 5 halqa bilan chiqish qilgan qizlarimiz shohsupaning uchinchi pog'onasiga ko'tarilishdi.

Halqa:

1. Sofiya Rafaeli (Italiya),

2. Margarita Kolosov (Germaniya),

3. Taxmina Ikromova (O'zbekiston).

5 halqada guruh mashqi:

1. Xitoy,

2. Qozog'iston,

3. O'zbekiston (Ekaterina Fetisova, Mumtozabonu Isxokzoda, Nargiza Jumaniyazova, Ruxshona Dehkonova, Irodaxon Sadikova).

SHu tariqa, terma jamoamiz ushbu musobaqani 1 ta kumush va 3 ta bronza medallari bilan yakunladi.

Jahon kubogi bosqichi yakuniga etgach, musobaqaning tantanali yopilish marosimi hamda gala – koncert bo'lib o'tdi. Koncertda gimnastikachi qizlarning ham o'z chiqishlari bilan qatnashgani barchaga manzur bo'ldi.

Tantanali marosimda yoshlar siyosati va sport vazirligi, milliy olimpiya qo'mitasi masul rahbarlari hozir bo'ldilar.

Muallif - Alimurod Mamadaminov, olamsport.com muxbiri