Toshkentda Olimpiada uchun licenzion musobaqa o'tkaziladi: Qilichbozlarimiz turnirga qizg'in hozirlik ko'rishmoqda

Qilichbozlarimiz hozirda ushbu musobaqaga qizg'in hozirlik ko'rishmoqda.

Jumladan, sablya bo'yicha terma jamoamiz Vengriyadagi Jahon kubogidan keyin Gruziyada yana bir o'quv-mashg'ulot yig'inini olib bormoqda. Yig'in doirasida kecha va bugun Gruziya, Braziliya va O'zbekiston terma jamoalarida o'rtoqlik turniri tashkil qilindi. Ahamiyatlisi, unda yakkalik bellashuvlarida Zaynab Dayibekova barcha raqiblarini mag'lubiyatga uchratib, birinchi o'rinni qo'lga kiritdi. Jamoaviy bellashuvda ham qizlarimiz raqibalaridan ustun ekanliklarini amalda isbotlashdi.

SHpagachilarimiz esa Qozon shahrida tashkil etilayotgan Jahon kubogida ishtirok etishdi. Dunyoning eng kuchli qilichbozlari qatnashayotgan mazkur turnirda hozirda kuchli 32 lik shakllanib ulgurdi. Afsuski, vakillarimiz ushbu bosqichga chiqa olishmadi va endi bor etiborlarini Toshkentda o'tajak yig'inga qaratishadi.

Rapirachilarimiz esa Belarus yig'inidan so'ng Istanbulda bo'lib turishibdi. Asosan yoshlardan iborat jamoamiz kelasi oy bo'lib o'tadigan jahon chempionatiga hozirlik ko'rmoqda.