Toshkentda Osiyo velosport konfederaciyasining Ijroqo'm yig'ilishi bo'lib o'tdi

Yig'ilishda Osiyo velosiped sporti Konfederaciyasi Prezidenti Osama Ahmad Abdulla al SHafar, Konfederaciya vice-prezidentlari SHayx Holid Hamad Ahmad Al Halifa va Amarjit Singh, Bosh kotib Onkara Singh, O'zbekiston velosiped sporti federaciyasi raisi Tanzila Narbaeva, raisining birinchi o'rinbosari Kozim O'rinboyxo'jaevlar ishtirok etishdi.

Mazkur Ijroqo'm yig'ilishida quyidagi masalalar muxokama qilindi:

– Bolalarni sport bilan muntazam ravishda shug'ullanishga jalb etish, sport talimi sifatini oshirish, barcha hududlarda, ayniqsa, qishloq va chekka-chekka hududlarda sport obektlari tarmog'ini yanada kengaytirish orqali bolalar sportini rivojlantirish; umumtalim maktablarida — o'quvchilar orasidan jismoniy tarbiya o'qituvchilarini jalb qilgan holda istedodli yoshlarni saralab olish (selekciya) hamda bolalar va o'smirlar sport maktablari sport zaxirasini shakllantirish maqsadida sinfdan tashqari sport to'garaklari va sekciyalari mashg'ulotlarini tashkillashtirish; ilg'or xalqaro tajribalarni hisobga olgan holda, sport tayyorgarligi jarayoniga zamonaviy texnologiyalarni joriy etish masalalarini amalga oshirish;

– yurtimizda velosportni yanada rivojlantirish, yoshlarni bunga ommaviy jalb qilish orqali etuk va barkamol insonlar etib voyaga etkazish, ularning iqtidori va qobiliyatlarini to'la namoyon etishi uchun zarur shart-sharoitlarni yaratib berish hamda O'zbekiston velosiped sporti federaciyasi va Osiyo velosport Konfederaciyasi o'rtasida hamkorlikdagi loyihalarni kengaytirish va ularni amalga oshirish borasida bir qator ishlar amalga oshirish;

– SHosse bo'yicha 2019 yili O'zbekistonda bo'lib o'tadigan Osiyo chempionatining tashkiliy masalalari.

Yig'ilish davomida shuningdek, Osiyo velosport Konfederaciyasi bilan hamkorlikda Osiyo chempionatini yuqori saviyada o'tkazish masalasida fikr almashildi. SHu o'rinda O'zbekiston velosiped sporti federaciyasi rahbariyati tomonidan hozirgi kunda Hukumat dasturiga asosan Toshkent shahridagi velotrekda kapital qurilish va tamirlash ishlari davom etayotganligi, velotrek dunyo standartlariga javob beradigan inshoot bo'lishi malum qilindi.