Toshkentda O'zbekiston va Franciya terma jamoalari qo'shma mashg'ulot o'tkazishyapti FOTOGALEREYA

Ushbu musobaqa yakunlanganidan so'ng Franciya va O'zbekiston dzyudo federaciyalari prezidentlari ishtirokida uchrashuv tashkil etilgandi. 

Unda Franciya dzyudo federaciyasi prezidenti Stefan Nomis hamda O'zbekiston Milliy olimpiya qo'mitasi raisi o'rinbosari, mamlakat dzyudo federaciyasi raisi Azizjon Kamilov har ikki mamlakat o'rtasidagi hamkorlik masalalari, istiqboldagi tomonlar uchun birdek manfaatli bo'lgan rejalar yuzasidan fikr almashishgandi. Do'stona ruhdagi uchrashuv yakunida o'zaro hamkorlik memorandumi imzolangan edi. 

Unga ko'ra, muhim musobaqalar oldidan ikki davlat terma jamoalarining qo'shma o'quv-mashg'ulot yig'inlarini tashkil etish, murabbiylar va hakamlar uchun seminarlar o'tkazish, tajriba almashish kabi qator muhim yo'nalishlar bo'yicha hamkorlik qilishga kelishib olingandi. 

Ana shu kelishuv doirasida franciyalik dzyudochilar poytaxtimizga o'quv-mashg'ulot yig'ini o'tkazish uchun kelishdi. Qo'shma mashg'ulotlarda yoshlarimiz bilan birga Ilias Iliadis murabbiyligidagi kattalar terma jamoamiz ham ishtirok etyapti.  

Takidlash joiz, Tokio Olimpiadasidan keyin dzyudochimiz Davlat Bobonov Franciyaning "Pari-Sen Jermen" klubi bilan shartnoma imzolagandi. U jamoasi safidagi ilk musobaqasidayoq bosh sovringa ega chiqqandi. "Pari-Sen Jermen" klublar o'rtasidagi Evropa Ligasi g'olibiga aylanish bilan birga Evropa CHempionlar ligasi yo'llanmasini ham qo'lga kiritgandi. Bobonovning o'zi to'rtta bellashuvda ham raqiblarini engib, jamoasining umumiy g'alabasiga munosib ulush qo'shgandi. 

Malumot uchun, bugungi kunda Franciyada dzyudo bilan muntazam shug'ullanuvchilar soni 550 mingdan ziyodni tashkil etmoqda. Ularga 15 ming nafarga yaqin oliy toifali murabbiylar dzyudo sir-asrorlarini o'rgatib kelishyapti. Franciya dzyudosi haqidagi tasavvurlarimiz uch karra Olimpiada, o'n bir karra jahon, besh karra Evropa chempioni, afsonaviy Teddi Riner misolida gavdalanadi.