Toshkentda RADOCA (Markaziy Osiyo mintaqaviy antidoping tashkiloti)ning navbatdagi yig'ilishi boshlandi

Bu safargi forum kun tartibidan tashkilotning 2017-2018 yillardagi faoliyati yuzasidan hisobot, doping-nazorati qoidalari, yuzaga keladigan turli holatlarni tahlil qilish, sessiya muhokamasi, 2018-2019 yillar uchun reja va boshqa turli masalalar o'rin olgan.

Bugun poytaxtimizdagi «City Palace» mehmonxonasida forum ochilishiga bag'ishlangan miting tashkil qilindi. Unda Milliy olimpiya qo'mitasi Bosh kotibi Jasur Matchanov, Butunjahon antidoping agentligining Osiyo-Okeaniya ofisi direktori Kazuxiro Xayashi (Yaponiya), Qozog'iston Milliy antidoping markazi direktori Mayra Bakasheva (Qozog'iston) va boshqa mutasaddilar ishtirok etishdi.

Tadbirni Mayra Bakasheva ochib berdi. Mutaxassis o'z chiqishida ushbu tashkil qilinayotgan miting kun tartibi, unda ko'rilajak masalalar haqida gapirib o'tdi.

«Bu erda ekanligimdan xursandman. Iliq kutib olishgani uchun tashkilotchilarga minnatdorchilik bildiraman. Ushbu forum davomida turli masalalarni muhokama qilamiz. SHuningdek, kelajakda amalga oshiriladigan ishlar rejasini ham tuzib olmoqchimiz» – dedi Mayra Bakasheva.

SHundan so'ng O'zbekiston Milliy olimpiya qo'mitasi Bosh kotib Jasur Matchanov O'zbekiston mana shunday muhim nufuzli tadbirga mezbonlik qilayotganidan juda mamnun ekanligini malum qildi.

«Assalomu alaykum hurmatli mehmonlar. O'zbekistonga hush kelibsiz. Sizlarni bu erda ko'rib turganimizdan xursandmiz. Yil mamlakatimiz uchun esda qolarli kechmoqda. Eng avvalo, O'zbekiston milliy antidoping agentligi tashkil etilganini sizlarga mamnuniyat bilan malum qilishni istardim. SHuningdek mana, Markaziy Osiyo mintaqaviy antidoping tashkiloti yig'ilishini o'tkazish sharafiga muyassar bo'ldik.

Bu O'zbekistonda halol sportni taminlashga qaratilgan navbatdagi qadamdir. Bu borada siz bilan hamkorlik qilish biz uchun katta ahamiyatga ega ekanligini alohida qayd etib o'tishni istardim», – dedi Jasur Matchanov.

SHundan so'ng Butunjahon antidoping agentligi (WADA) Osiyo-Okeaniya ofisi direktori Kazuxiro Xayashi so'zga chiqib, O'zbekistonda sport taraqqiy topayotgani haqida gapirdi. Bunga misol sifatida Rioda o'tkazilgan Olimpiya va Paralimiya o'yinlaridagi natijalarni ko'rsatib o'tdi. SHuningdek, u bunday tadbirlar sport rivoji yo'lida katta ahamiyatga ega ekanligi, hamkorlik aloqalarini yanada mustahkamlash lozimligi haqida gapirib o'tdi.

Miting yakunida Xayashi MOQ Bosh kotibi Jasur Matchanovga antidoping agentligining esdalik sovg'asini taqdim etdi.

Eslatib o'tamiz, ushbu forumda Qozog'iston, Qirg'iziston, Afg'oniston, Tojikiston, Turkmaniston, Mo'g'uliston, Pokiston kabi mamlakatlar Milliy antidoping agentligi mutaxassislari, shuningdek, Yaponiya, Peru, Polshadan WADA vakillari ham ishtirok etishadi.