Toshkentda “Sport olami-2017” VI Xalqaro ko'rgazmasi start oldi

Ko'rgazmaning asosiy maqsadi bolalar va o'smirlar o'rtasida jismoniy rivojlanish darajasini oshirish, yosh avlod o'rtasida sog'lom turmush tarzini targ'ib qilish, sport sohasida yangi texnologiyalarni joriy etish, modernizaciyalash va sport sog'lomlashtirish muassasalari, obektlari va qurilmalarining moddiy-texnik bazasini yaxshilashdan iborat.

Ushbu ko'rgazmada qatnashish sport sohasida o'zini tanitish, sport inventarlari va jihozlari, sport kiyimlari va dastgohlari ishlab chiqaruvchi kompaniyalar bilan malaka almashish, shuningdek, o'zaro manfaatli shartnomalar tuzish imkonini beradi.

Ko'rgazma bo'limlari:

• Sport jamiyatlari: qo'mitalar, federaciyalar, fondlar, associaciyalar, markazlar, maktablar, to'garaklar;
• Sport majmualari va komplekslar, qurilishlar;
• Sport inventarlari va dastgohlar;
• O'yin-kulgi sohasida sport;
• Sportning texnik turlari;
• Sport ozuqalari;
• Sport kiyimlari;
• Sport talimi;
• Xalq o'yinlari va milliy sport turlari.

Ko'rgazma doirasida Olimpiya va Paralimpiya chempionlari bilan uchrashuvlar, turli sport maktablari chiqishlari, konferenciyalar, seminar va prezentaciyalar hamda musiqiy chiqishlar o'rin olgan.