Toshkentda tennis bo'yicha J200 turkumiga kiruvchi xalqaro musobaqa bo'lib o'tdi FOTOGALEREYA

Poytaxtimizdagi Respublika olimpiya zaxiralari tennis maktabi kortlarida o'tkazilgan "NBU CUP ITF JUNIORS J200" xalqaro turniri 30 ga yaqin mamlakatning 100 nafardan ziyod 18 yoshgacha bo'lgan iqtidorli raketka ustalarini jamladi.

Xalqaro tennis federaciyasi reytingida kuchlilar safida borayotgan mahoratli sportchilar qatnashgan bellashuvlarda 11 nafar o'g'il va 9 nafar qiz tennischilari yurtimiz sharafini himoya qildi.

To'qqiz kunlik saralash bahslari natijasida hamyurtlarimiz Artur Ibragimov va Ilya Ignatov juftlik musobaqalarining yarim finaligacha etib borishdi.

Yarim final bellashuvlari sarhisobiga ko'ra, o'g'il bolalar o'rtasidagi final musobaqasida niderlandiyalik Abel Forger va rossiyalik Amirxamza Nasredinov, qizlar o'rtasida finalda esa Yuliya Perapexina (Rossiya) hamda Darya Egorova( Rossiya) bahs olib boradigan bo'lishdi.

Qizlar o'rtasidagi juftlik bahslarida rossiyalik Yuliya Perapexina/Kseniya Smirnova – Ekaterina Agureeva/Darya Egorova, o'g'il bolalar jo'ftligida Abel Forger(Niderlandiya)/Maks Stenzer (Germaniya) - Artem Bogomolov/Ivan Greteckiy (Rossiya)lar bosh sovrin uchun kurashish imkoniyatiga ega chiqishdi.

Mazkur "NBU CUP ITF JUNIORS J200" xalqaro turniri haqiqiy istedodlarni kashf etish maydoni bo'ldi. Murosasiz bahslar natijasida yakkalik bellashuvlarda niderlandiyalik Abel Forger va rossiyalik Yuliya Parapexina g'oliblikni tantana qilgan bo'lsa, juftliklar o'rtasida kechgan musobaqada Yuliya Perapexina/Kseniya Smirnova hamda Artem Bogomolov/Ivan Greteckiy (Rossiya) muvaffaqiyatga erishdi.

Musobaqa g'olib va sovrindorlari, eng yaxshi ko'rsatkichga erishgan tennischilar tashkilotchilar tomonidan munosib taqdirlandi.

Muallif - Alimurod Mamadaminov/olamsport.com