Toshkentda yunon-rum kurashi bo'yicha xalqaro turnir bo'lib o'tdi FOTO

2003-2004 yillarda tug'ilgan sportchilar ishtirok etgan mazkur musobaqada mamlakatimizning turli hududlari, shuningdek, Tojikiston va Qozog'istondan kelgan yosh polvonlar kuch sinashishdi.

Hakamlar 38 kg.dan boshlab 85 kg. gacha bo'lgan 10 ta vazn toifasida g'olib va sovrindorlarni aniqlashdi. Murosasiz bellashuvlardan natijasida qo'shni Tojikistonlik SHeroz Ochilov va Sulton Saidzoda, Toshkent viloyatidan Iftixor O'tbosarov va Ilyos Abdunazarov, Samarqand viloyatidan Quvonchbek Yaxshiboev va Diyor Bekto'raev, Qozog'iston davlatidan kelgan Yusuf Ashrapov, farg'onalik SHerzod Murodjonov, xorazmlik Husniddin Olimboev hamda Navoiy viloyati jamoasi azosi Islomjon Rahmatovlar o'z vazn toifalarida shohsupaning eng yuqori pog'onasiga ko'tarildilar. Sovrindorlar safida CHirchiq, Andijon, Respublika IOZMI vakillari, shuningdek, Buxoro, Namangan viloyatlari kurashchilari ham o'rin olishdi.