Triatlon va ot sport bo'yicha yuqori natija qayd etgan sportchilarimiz taqdirlanishdi

O'zbekiston Respublikasi Milliy gvardiyasi qo'mondonligi tomonidan triatlon va ot sport bo'yicha yuqori natija qayd etgan atletlarimiz taqdirlanishdi.

Tadbirda general-mayor Rustam Jo'raev boshchiligidagi Milliy gvardiya qo'mondonligi mutasaddilari, O'zbekiston yilqichilik va ot sporti, zamonaviy beshkurash federaciyalari raisi Bahromjon Gaziev, O'zbekiston triatlon federaciyasi bosh kotibi Elena Kun, Uloq-ko'pkari federaciyasi raisining o'rinbosari E.Abzalov ishtirok etdi.

Tadbir avvalida Milliy gvardiya qo'mondoni sportchilarimizni yil davomida qayd etgan yuksak natijalari bilan qutlab, ularning kelgusi faoliyatida ham omad tilab o'tdi. SHundan so'ng Milliy gvardiya qoshidagi ot sporti bo'yicha Respublika oliy sport mahorat maktabi chavandozlari N.Tuyakbaev, U.Komilov, O.Sobirjonovga Moskvada o'tgan Millatlar kubogida yuqori natija ko'rsatgani uchun Milliy Gvardiyaning “Namunali xizmatlari uchun” 3-darajali ko'krak nishoni bilan taqdirlanishdi.

Joriy yilning iyul oyida Kanar orollari o'tgan triatlon bo'yicha IRONMAN LANZAROTE jahon chempionatida yoshlar toifasida oltin, jamoaviy yo'nalishda kumush medalga sazovor bo'lgan Jamoat xavfsizligi universitetining xizmatchisi Alina Hakimovaga esa oficerlar tarkibining birinchi “leytenant” unvoni, imtiyoz asosida 3 xonali uy va “qizil beretka” kiyish huquqi berildi.

SHuningdek, Elena Kun va triatlon bo'yicha jamoa bosh murabbiyi Viktor Zemcev ham munosib taqdirlanishdi.

Tadbir yakunida barcha ishtirokchilar Milliy gvardiya qo'mondonligining sportni rivojlantirishga qo'shayotgan xizmatlarini alohida takidlab o'tishdi. SHuningdek, qo'mondon sohada orqada borayotgan viloyat bo'limlarining faoliyati haqida alohida tanqidiy fikr bildirib, ularga kerakli ko'rsatmalar berib o'tdi.