16 iyu 08:20
Yangiliklar

Velosport

Tur de Frans. Mettyus 14-bosqich g'olibi, Frum esa yana peshqadam

Franciya yo'llari bo'ylab davom etayotgan velosport bo'yicha ko'pkunlik Tur de Frans musobaqasining 14-bosqichi ortda qoldi.

Ushbu bosqichda avstraliyalik Maykl Mettyus g'oliblikni qo'lga kiritdi. Sunweb jamoasi azosi belgilangan masofani 4 soatu 21 daqiqa 56 soniyada bosib o'tdi. Belgiyalik Greg Van Avermat (BMC) ikkinchi, norvegiyalik Edvald Buasson Xagen (Dimension Data) uchinchi o'rinni egalladi.

O'n to'rtta bosqich yakunlariga ko'ra Sky jamoasi vakili britaniyalik Kristofer Frum yana peshqadamga aylanib oldi. Italiyalik Fabio Aru (“Astana”) karvonboshiga 19 soniya vaqt boy bermoqda. Franciyalik Romen Barde (AG2R La Mondiale) 23 soniya vaqt tafovuti bilan uchinchi pog'onadan joy olgan.